[l فزاع l]

وجد قلبي يوم قفوا
شلوا المهجه وراحوا
وارحلوا عنا واحنا
كنا نتمنى لقاهم
سامح الله لي جرحني
يوم جرحي استباحوا
ما ارحموا كل المشاعر
ما دروا قلبي يباهم

لي أنا محبوب غالي
ليش صد وليش شاحوا
ولا هقينا البعد منهم
ولا يعوضنا سواهم
شطوا المعشوق والله
ليت تموا واستراحوا
وكل جرح في المحبه
صعب منهم من غلاهم

لاح طيف من حبيبي
سهر عيوني وناحوا
وانقضى في الليل كله
ترقب عيوني جداهم
لك هديت الحب وافي
والحبايب لي تهادوا
ما نسى واحد لثاني
والوفا وثق هواهم