.
:فقال محمد أبو دباس :
ياونـة ونيتهـا مـن خـوا الـراس=من لاهـب بالكبـد مثـل السعيـره
ونين من رجله غدت تقـل مقـواس=يون تالـي الليـل يشكـي الجبيـره
ياحمس قلبي حمس بنـن بمحمـاس=وياهشـم قلبـي هشمهـا بالنجيـره
وياوجد حالي يامـلا وجـد غـراس=يوم اثمرة غرسه صفة عنـه بيـره
على ثمر قلبي سرى هجعـة النـاس=متنحـر درب عسـى فيـه خيـره
الله يفكه من بـلا سـوء الأتعـاس=ومن شر عبثـات اللياليـي يجيـره
في ديرة تقطعـت عنـه الأرمـاس=سبعيـن يـوم للركايـب مسـيـره
لاوالله الا حال مـن دونـه اليـاس=حـط البحـر والبـر دون الجزيـره
يالله ياللي رد من عقـب مـا يـاس=يوسف على يعقوب وابصر نظيـره
ترد علي دبـاس يامحصـي النـاس=ياعالـم مـا بالخـفـا والسـريـره
يادباس انا بوصيك عن درب الأدناس=ترى الـذي مثلـك يناظـر مسيـره
عليك بالتقوى تـرى العـز يادبـاس=في طاعـة الله مـا ينجيـك غيـره
هذي ثمان سنين من رحت يادبـاس=لا رسالت جتنـي ولا مـن بريـره
يادباس من عقبك ترى البال محتاس=وعليك دمع العيـن حـرق نظيـره
وعليك كني في دجا الليـل حـراس=اصبح على حيلـي وعينـي سهيـره
اصبح وانا ما بين طاري وهوجـاس=وطـواري تطـري علينـا كثيـره
مثل الوحش قلبي على كف حبـاس=يكفخ كمـا طيـر سبوقـه قصيـره
متحيّر مـن عيلـة البيـت يادبـاس=ارجي ثـواب الله واخشـى المعيـره
اخاف من حكي العدا ثـم الأنجـاس=اهـل الحكايـا الطايلـه والقصيـره
ويقـال خـلا عيلـة عنّـر الـراس=اقفـى وخـلا عيلـة لـه صغيـره
والا فانا يابـوك قطـاع الأرمـاس=مانـي بمثبـور ورجلـه كسـيـره
اصلك لو دونك نبا حمر الأطعـاس=الصلب والصمّان ما هـي عسيـره
مهالـك مـدارك مـابـه اونــاس=الا الثعـل والبـوم تسمـع صفيـره
ياراكب وجننا من الهجـن عرمـاس=فجا النحر يادبـاس حمـرا ظهيـره
متروس الفخذيـن مزبـورة الـراس=كـن الخـلاص عيونهـا مستديـره
تسرح من العوده على نور الأنفـاس=عند الفجـر والليـل مقفـي مريـره
والعصر بالصمّان تسمع لها اضراس=حبل الرسن خطـر تبتـر جريـره
نهـار ثالـث بيـن حمـا والأرواس=واره يمينـك جعلهـا لـك سفيـره
ثـم علـى ساجيـه تقلـب الـراس=تمشي باهلها في البحـور الغزيـره
فيهاالطبيخ وراهي الخبـز يادبـاس=يقعـد خـوا الـراس خنـة خميـره
هي ديرة اللي باغـي كيفـة الـراس=ولا له حد همه مـن النـاس غيـره
هيس ولد هيـس للمواعيـن لحـاس=يفـرح ليـا نيـدي لذبـح النحيـره
ما قفك ذا يادباس ما فيـه نومـاس=يصلـح لقيّـن مهنتـه طـق زيـره
ترى الفـداوي دون وانشـد النـاس=راعيه مـا يذكـر بمـدح وغيـره
ما له سوى طق الحنك منه واليـاس=واليا انقطع خرجه فلا لـه ذخيـره
طلب المعيشه بالحراثـه والأجنـاس=المشترى والبيـع يوصـف وغيـره
قم انهض العيرات مع كـل فـراس=يادبـاس دور خـيّـر تستشـيـره
جدّك وعمانك هـل العـز والبـاس=هـل الموجـب مكمليـن القصيـره
يادباس ما يصبر على البق والحـاس=الا الـذي مالـه بنـجـد عشـيـره
واليوم ما مروي شبـا كـل عبـاس=انت الرجى ياكعـام وجـه المغيـره
عشرين عام كلها ارجيـك يادبـاس=مثل الغريـر اللـي تولـع بطيـره
عدل المناكب هيلـع فـرخ قرنـاس=يمناه فـي لطـم الحبـاري شطيـره
عانق خلوج روحت عقب مـرواس=عنـد العصيـر لبيضهـا مستذيـره
الليل جاها وحال من دونهـا اليـاس=روحها على فرقـاه فـرت فريريـه
يادباس انا يابوك مـا نيـب بـلاس=ميـر ان عيـلات الرفاقـه كثيـره
جنبت وسط السوق وامشي مع الساس=واخذ شوي الحـق واتـرك كثيـره
يادباس لو جبت من دحب الأكيـاس=مختلفـة مـا بـيـن رز ونـيـره
ما لي بهـا ياجعلهـا بالـف قبـاس=او جعلها تذهب ولـو هـي كثيـره
يادباس قلبي كل مـا هـب نسنـاس=شرقيـة هـبـة بقلـبـي سعـيـره
والحال يافرز الوغى مسهـا البـاس=عليـك ياناطـح وجيـه المغـيـره
وغصون قلبي يافتى الجـود يبّـاس=غـاد انـا يابـوك كنـي هشـيـره
من شافنـي يقـول ذا فيـه لسـاس=واللي بـراء حالـي الآهـي خبيـره
لا وعلى من قبـل غـوال الأنفـاس=ومفـارق الدنيـا يجينـا بشـيـره
عسى يطق الباب والنـاس غطـاس=ياوالـي القـدره عليـك تعبـيـره
وصلاة ربي عد مـا هـب نسنـاس=على النبي عـدة حقـوق المطيـره
فقال دباس هذه القصيدة ردا على قصيدة والده:
حي الجواب الى لفانـا مـن الـراس ... جابـه غـلام مـا توانـا مسيـره
أهـلا عـدد مـا حبـس قرطـاس ... ومـا كتـب فوقـه بيـوت شطيـره
جواب منهو مـود مـن النـاس ... أبوي مـا يوصـف حلـي لغيـره
فرز الوغى كنه على الوقر قرنـاس ... وقـروم ربعـه كلهـا تستشـيـره
دليل عيـراه الا هـب نسنـاس ... ثـم اولهـم الجـو مابـه ذخـيـره
مهفى الغنم لاهل الركايـب والافـراس ... لا روحوا بيته عليهـم قصيـره
راعي معاميل بهـا العبـد جـلاس ... للبن يشـري بهـا السنيـن العسيـره
هاذي بمركاها وهـذي بمحمـاس ... وهذا يصيبـه للوجيـه السفيـره
وخلاف ذا ياراكـب فـوق عرمـاس ... ما مونت من نقـوة الهجـن العسيـره
حمرا وهي فى سنها وقـم الاسـداس ... متوسط لافاطر ولا هـى صغيـره
ماهي لحوح راكبه بالعصـى قـاس ... حرم عليهـا غيـر شبـل النجيـره
والخرج هو وبيـوت قيـل قرطـاس ... مـع مزهـب الايـام ماهـي كثيـره
وفوقه غلام منوته قطـع الارمـاس ... لـو هـو بالليـل ماتغيـر نظيـره
ولا لفيت الدار فجهر بـلا بالاحسـاس ... وبلغ سلامـي كـل ذيـك العشيـره
واختص ابوي الى نفل جملة النـاس ... وخصه بعلم وقـل ترانـي بشيـره
لايانقي العـرض يابـوي لابـاس ... ان كان تشكـي الضيـم فانـا اسيـره
وان سالك عنـي ترانـي بنومـاس ... وانا احمد الي مـا توسلـت غيـره
المدح لو يشـرى شرينـاه بكيـاس ... بأموالنـا نرخـص نـدور الستيـره
مطرق فنرج مصاريبه الـراس ... ومصلبـخ جبتـه عسانـى ذخيـره
ابغيـه للـي حادينـك علـى النـاس ... أهـل النمايـم والحكايـا الكثـيـره
ربعن نـوو فيـك الـردا والتخسـاس ... مهبول ياللي قـال غايـب عشيـره
على ديـن لـودع الجميـع بنحـاس ... لين العشيـر يقـوم يلعـن عشيـره
يابوي انا مارحت لكيفة الراس ... مع ذا ولانـي فـى سفـاه وغيـره
اما سكنا الدار مـن غيـر هوجـاس ... ولا نعـاف الـدار وندور غـيـره
كلـه لعين كلمـة قلـت يادبـاس ... تشكي ونا دونـي بحـور غريـزه
خذ لك يمين الشرع قطـاع الانفـاس ... انه فـلا جتنـي علـوم بصيـره
لانب جانـي ولا حبـر بقرطـاس ... ايضـا ولا جتنـي علـوم سفيـره
ان كان تشكي الضيق يابوي لاباس ... جاك الفرج يابـوي هـو البريـره
ولا فانا يـا بـوي قطـاع الارمـاس ... اصبر على الشده ولو هـي عسيـره
يامسندي يابوي شوف اوكد النـاس ... ثم انشده قل ويـش هو فـى مسيـره
وابغى عسى الله يبرد القلب يانـاس ... من لاهـب شبـت بقلبـي سعيـره
ومن كان له غايب فلا يقطع اليـاس ... ان قدر الله جـاب علمـه بشيـره