عرض مشاركة واحدة
قديم 06-10-2008, 08:05 AM   #2
علي المزيني
متداول نشيط
 
تاريخ التسجيل: Mar 2007
المشاركات: 12,263

 
افتراضي

[poem font="Simplified Arabic,7,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]


اسبوع مر ولا وصل منك مرسال=ياقـو قلبك كيف تقطعني اسبوع

الجوع كافر وانت ماترحم الحال =وانا عليك من الوله ميتن جوع

يالي غيابك صعب يطري على البال = تركتني ضايق وحاير ومفجوع

ماكني الا شايب فاقد عيال = وماكنك الا محرمن حق مشروع

يفوع لك قلبي اليا مر الاطلال= ياليت مالي قلب يشتاق ويفوع

حسبي عليك شلون قطعت الامال = لا صار الامل فيك مقطوع

ياصاحبي ماكل نزال رحال = انت الحيا من وين مارحت متبوع

نسياني لزولن بالاعماق تختال =اصعب على صاحبك من حبت الكوع

لو الثمن في شوفتك عمر رجال = كان الثمن من يوم ماغبت مدفوع

ولو القدر ماتم قوله اليا قال = ماضاق صدر ولانحنى راس مرفوع

ياصاحبي عشقتني فعل وخضال= عشقتك شعر واحساس وطبوع

وشلون تتركني كذا لشهب اللال = وجدام عيني تجف ينبوع ينبوع

وانا عشانك جيت والغيم همال =اسيل الوديان واداحم جموع

ماردني عنك سواليف عذال = تزعل علي ربوع وتقدر ربوع

كان المهم اعيشك جنون ووصال = ويكون لي كلمه ولي راي مسموع

واليوم ضاقت بي من الجال للجال = فرقاك تقصم ظهر وتحز وتلوع

لو جيت شفت الحال ماسرك الحال = في غيبتك ضايق وحاير ومفجوع

هذا غياب اسبوع وشلون لو طال = طالبك لايطول غيابك عن اسبوع

للشاعر: محمد جارالله السهلي[/poem]
علي المزيني غير متواجد حالياً   رد مع اقتباس