قصة وقصيدة
اللي ما يعرف الصقر
تدور القصة حول الشاعر عبدالله بن نقا العتيبي من أهالي حفر الباطن
الذي علم أن أحد الأشخاص يمتلك طيراً حراً ويسيء معاملتها .
عندها تذكر الشاعر صديقاً له يعرف قيمة الطير ويستحق ملكيته لكرمه
وطيب منبعه هو (( قاسي بن محمد بن حفيظ البرازي السهلي ))
فتمنى لو تنتقل ملكية الطير لهذا الكريم وأنشد قائلاً :
ياهيه يا للي عندك الطير جوعان
******** بــــلاك ربـــك فيه وانــت ابتــلــيــته
أشغلك واشغلته على غير برهان
********* ما يهتــويــك الطـــيــر وانت اهتويته
نوبٍ عشاه من القصاصيب قصبان
********** ونــوبٍ دجاج ، ونـوب نمت ونسيته
ودّه لابو فيصل يعشيه خرفان
*********** تراك بالفيران هـــدّمت بــــيـــتـــه
شل الوكر والطير في بيت هدلان
********** في بيت حلال الـنشــب لي نصيته
في بيت قاسي يصبح الطير شبعان
*********** ذباح كـــاسرة العـــمد لى لفــيته
حتى يبين الطير لطيور حوران
********** في مجـلــسٍ عربين الأنساب ليته
ويشيع ذكره بين حضرٍ وبدوان
************ عند الحفيظي الطير يفرح ببيـــته
قومٍ لهم في ساحة المجد عنوان
*********** طيب الجدود اهل الحظوظ البخيته
والا انت شانك شان والطير له شان
*********** لو ما عرفت اسمه خطير شــويته !
مسكين يا حرٍّ مع الوكر حسران
************ تحت الدرج مكتوم ما بان صــيته
|