[الــــذيــب]

بوقت من البطا،وبليل تتراقص شياطينه
بعد شفت الضيا ينـزع مـن ثيـاب المسـا ثلثيـن

تحايلـت المنـام اللـي مثـل بيـتـك تمريـنـه
وانا اللي من تفارقنا وأنـا ماغمضـت لـي عيـن




غريبـة كـل حلـم يمـر بـرقـادي تزوريـنـه
والاغرب كيف أحلم الحلم،وارجع واحلمـه بعديـن؟




قبـل يومين،شفتـك بالمنام..وقمـت مـن حينـه!
ونمت أمس،ورجع نفس المنام اللـي قبـل يوميـن




أنا اللي قبل اسافـر شلـت قلبـي مـن شرايينـه
تركته في يـدك مثـل الأمانـه ،واحفظيهـا زيـن




تـرى حفـظ الأمانـه دين..مجـبـورة ترديـنـه
أجل ، مافيه أحد كد قال لك(حفظ الأمانـة ديـن)؟!




مـرد المقفـي بيلفـي.. ويستـوفـي ،وتوفيـنـه
بعـد ليلـه ،ثلاثه،أربعه،عشره،شهـر، شهـريـن




إذا انتـي ،ماانتـي بقـد الكـلام اللـي تقوليـنـه
حرام..استامنك حاجـة،وإذا جيـت اطلبـك تنسيـن




تخونين،وتبيـن أرضى.!وأحـد يرضـى تخونينـه!
أنا لاجيت أخونـك، مـع حبيبـة ثانيه،ترضيـن.؟




من أول مارجعت من السفر ماشفـت لـك بينـه؟
وأنا اللي كنت أحسبك قبل ادوس ارض المطار..تجين




تكونين أنتي أول شخـص عينـي تحتضـن عينـه
وكنـت أتخيلـك مـن زود فرحـة رجعتي..تبكيـن




وأشوف بدمعتـك حكيك..وأعرفـه قبـل تحكينـه
واجيب أحلى مـن اللـي بتحكينه،وأتركـك تحكيـن




تقولين:الـوطـن نـور..وأقـول بنورمضويـنـه
تقولـي لي:غديـت أحلى،وأقول:عيونـك الحلويـن




كــلام نــام بشفاهك..وخفـتـي لاتصحيـنـه
ذخرتيـه لغـرام للـي ينام...ويتـرك تصحـيـن




تغانمـتـي غيابي..لـيـن رجحـتـي موازيـنـه
تعلم من يـدك لمـس الكفـوف وعلمـك تجفيـن




وليتـك لاقيـه بــه شي..فيـنـي ماتلاقيـنـه!
مهـو بغرور..لكـن خابـرك مالـك أمـل تلقيـن




تغافلـك بغـلا..والإ الحـلا مهـو بمـن زينـه!!
تزينه الصور ..بس الصحيح ابـن الحـلال زويـن




وأنـا مانـي بنقـاص عنـه يـوم أنـك تبديـنـه
نصيبي..هو نصيبي لـو يسددهـا مـن الصوبيـن




قنـوع بمظهـري ،والسـم مايـذبـح ثعابيـنـه
على قول المثل مانـي حلو..لكنـي مانـي شيـن




إذا أهـداك الزهـر مره،فأنـا اهديتـك بساتيـنـه
وإذا ألهاك بفرح ليله، فانـا تهـت لبكـاك سنيـن




وإذا استضعفـتـك أملاكه...وشتـتـك ملاييـنـه
أنا حتـى فتـات الخبـزة أقسمهـا معـك نصيـن





طموحـي ،بـس أجـي وأظفـر بشـي تستحقينـه
تدينتـه ،تسلفته،سرقـتـه ،مومـهـم منـيـن؟




كأنـي مـن كثـر ماارضـى بكـل اللـي تمنينـه
لـو انـك تطلبيـن الله ..يعنينـي، بقـول آميـن




أنا ماالعب علـى الحبلين،وقـت الطيـش وسنينـه
تبين الحين يوم أني كبرت العـب علـى الحبليـن؟




ترى عنـد البـدو بالـذات عيـب اللـي تسوينـه
حلاتـك لاعشقتي..تعشقيـنـي لـيـوم الـديـن




غـرامٍ نسكـن ضلوعه..حشيمـه مـن مجانينـه
جفا،يجمـع معزتنا...ولاعـشـق يــذل أثنـيـن




كثـار الـلـي تحـدونـي وقالـولـي :تحبيـنـه
امانـه ...لاتخلينـي صغيـر بعينـهـم تكفـيـن







لانــي كــل ماقالوا(تخون)..اقول:مسكـيـنـه
عليـك الله وأمانه..علميهـم منـهـو المسكـيـن




أنـا خايـف لياطـاح الجمـل تكثـر سكاكيـنـه
وأنا ماعـاد بضلوعـي مكـان لطعنـة السكيـن




مثـل ماقالواالمكتـوب واضـح مـن عناويـنـه
لو ارحل منك للغربه بسافر مـن ظلامـك ويـن؟





كفايه..كـل حلـم يـمـر بـرقـادي تزوريـنـه
كفاية..مـن تفارقنا..وأنـا ماغمضـت لـي عيـن