أعـوذ بـك ربـي مـن الحسـد والغـيـره
وأدعوك تعمي عيون اللي يحسدونـي
وألوذ بـك عـن مقـام النقـص والعيـره
أو طيحـتـي عـنــد نـــاس مايـدانـونـي
عـبـدك تعـصـم بحبـلـك يالله الـخـيـره
رزقـك ومدتـك والمـاعـون ماعـونـي
وش دخل الناس بالغصن وعصافيره
والله يـلــوم الـلــي بـهــذي يـلـومـونـي
يـانـاس لـلـدم جــار ولـلـدمـي جـيــره
وللشاعـر أبعـاد بالشـعـر المراثـونـي
وأنـا أكثـر اللـي يثيـر الشعـر ويثيـره
وأنـــا أول الـلــي لـيـاعـدوا يـعـدونـي
مبطـي وأنـا مطبـق الشعـر بحثافيـره
قـــدام در الحـلـيـب يـنـبــت سـنـونــي
أهـتــم بالـشـعـر وأهـتــم بجـمـاهـيـره
والسـاحـه وشــد وأقـطـع مايهـمـونـي
أطلع على متن مطلق ما أطلـع بغيـره
يـاعـل كــل المـتـون فــداك يامتـونـي
أخـذت ماقلـت مـن جمـهـور هالـديـره
اللي سمعوا بـي قبـل حتـى يشوفونـي
وأنـا لـهـم جـيـت جـيـت قــومٍ مغـيـره
نجديـة الفـعـل والتخطـيـط صهيـونـي
ماجيت مساح جوخ بضرب تأشيـره
ولا قلـت يانـاس شيلـونـي وحطـونـي
جيت أهدم الرجـس وأكسـر مزاميـره
وأحـطـم آمــال كــل الـلــي يـعـادونـي
أنـا هنـا يعنـي أكتـب مبتـداء السـيـره
وعـلـم بـهـا الـلـي هنـيـا مايعـرفـونـي
أنـه أنـا اللـي يحـشـم الشـعـر ويثـيـره
والسـاحـه وشــد وأقـطـع مايهـمـونـي
|