ماقلت لي شي وش خليت ماقلته
اسكت وخل الكلام لجرحي الدامى
لوغيرك اللي يسولف ماتحمّلتــه
لكن على شان عينك هانت ألامى
للحب مفهوم عمرك ماتخيلتـــــه
ماأظن يستوعبه تفكيرك السامى
هذا الفراق الطويل وهذي أسئلته
هذا حصاد السنين وهذي أيامــى
ياما وياما عليــــــك البال طولتـه
والعمرعدى وأنا عايش على أوهامي
حتى طريق الفراق اللي تساهلتـــه
لقيته أصعب على نفسي من أقدامى
اصبرلي شوي لودمــــــي تثاقلتـــه
بحاول أستوعب اللــي صار قدامي
الحب ضحكة بعينك بس ماطلتــــه
عمرك بهالكون شفت أبسط من احلامي
القلب لوماخفق لك كان ماشلتــــــه
ولوماأنت ملهم قصيدي جفت أقلامي
هذا قصيــــدي بعينك لو تجاهلتــــــــه
ينزف على شأن يروي قلبك الضامى
العــــــــــام طاري غيابك ماتقبلتـــــه
واليوم حرماني أصبح مصدر إلهامى
لاتعتـــذرلـــــــــي وابنسى كل ماقلته
وش ينفع العذر لامن ضاعت أيامى ؟