[al saleh]

المشاركة الأصلية كتبت بواسطة كريم_كرم

أول الأسئلة .. ما هي أدنى نقاط سابك .. على ما أذكر 34.10 ريال

وأين نحن من هذا السعر الآن ؟ .. أعتقد إننا فوق الـ 80 ريال ..

دلالة ذلك ..

أن المستثمر في سابك ..

قد استعاد الثقة في السهم وهذا ما أدى إلى صعوده من 34.10 وحتى ما فوق الثمانين بنسبة زيادة تقترب من 140 %

طيب والمؤشر .. أظن إنه زاد برضه بما يقارب 55 % من أدنى نقاطه هذا العام ..

مش دي برضه .. عملية استعادة ثقة ؟؟ اللي هي المرحلة الأولي من المسار الصاعد ؟؟

والسوق بقاله 3 شهور بين 6000 و 6500 وقبلهم كان فضل يشتغل حوالي خمس شهور ( من 26 أبريل حتى 16 سبتمبر ) بين 5500 و 6100 ..

يعني المنطقة الثانية .. أعلى من الأولى .. ولسه الناس مش مصدقة .. إن السوق بيتسحب لفوق !!

كل اللي حاصل دلوقتي هو تصحيح للصعود اللي بدأ من مارس ..

والشهر الجاي .. يعني بعد أسبوعين بس .. نتائج الأعمال هاتظهر ..

يبقى المرحلة نمرة كام بدأت ؟؟

المرحلة الثانية .. اللي هي نتائج الأعمال .. التي ستأتي أفضل من المتوقع بإذن الله

لأن المحللين الماليين .. مش هايقارنوا النتائج بتقارير اليومين دول .. هايقارنوها بالتقارير اللي كانت بتطلع في يناير اللي فات ..

وطبعاً .. التقارير هاتطلع وقبلها أحسن جملة الواحد توقعها السنة دي .. " Better-than-expected "

.. خصوصاً إن نتائج أعمال إجمالي الأرباع الثلاثة الأولى من العام التي ظهرت في أكتوبر .. كانت أفضل من المتوقع ..

فما أعتقدش إن الربع الرابع .. اللي الناس قربت تنسى فيه .. كلمات زي .. الأزمة .. خطة التحفيز .. مؤتمرات إنقاذ الاقتصاد العالمي .. إلخ .. ما أعتقدش إن الربع ده .. هو اللي هايلغي الإيجابية الموجودة في الأرباع اللي قبله

ده اللي أنا أقصده ..

كمان الذهب لو كسر 980.8 دولار .. يبقى قـَلـَب المسار بتاعه من صاعد إلى هابط ..

ولما الذهب ينزل .. الأسواق تعمل إيه ؟؟

قولوا يا رب

ما اكذب عليك قرأت الموضوع فى البدايه ولكن لم اشعر بأني فهمت ما ترمي له

ولكن بهذه المشاركه وضحت اكثر

من المحليلن الذي احرص على قراءة ما تكتب

جزاك الله خير