اقتباس:
المشاركة الأصلية كتبت بواسطة الــــذيــب
الف(ن) وليف الروح سيد الحبايب *********من عشرته شفت العنا والمصايب
لاهوب مداويني ولانيب طايب **********عز الله اني شايف منه لوعات.
الباء بقلبي للحبيب محبه*********مهما يعذبني يزود حــــبـــه
الحب مايوجد مع الناس طبه*********لو هو يداوى كان دورت دويات
التاء تولع خاطري بالجميله******اللي بسهم العين تذبح قبيله
كم واحد قبلي شكى من خليله ****وانا شكيت اللي عيونه وسيعات
الثاء " ناسيها :) "
الجيم جاوبت الحمامه بنوحي******ياليت زين العين يبصر ويوحي
يشوف قلبي من فراقه يفوحي*****فوح الدلال اللي على النار مركات.
الحاء "ناسيها برضه :) "
الخاء خليلي خل قلبي وخلا ******خلاني اتسنف كني الذيب سرحان
انا اشهد اني في هوى الزين حيران*****مابيدي غير قولة ياحلالات
الدال داويت جروحن عطيبه ****ماتنتداوى والمحبه مصيــــبـــه
ترا الهوى مهوب يبرى صويبه*****عزي لكم يااهل القلوب الصويبات
الذال ذالي عنك يازين مده ******قامت تزايد بالقلب المــــــوده
المهتوي ماكل شئ يرده *******حتى لو دونه دروبن صعيبات
الراء رماني هافي الوسط بالعين *****الله حسيبه كيف ياقف ويرمين
يذبح بسهم العين ببلا قوانيص*****ياما ذبح من دون ذنب وخطيات
الزاء زريف الطول زين الحلايا ******به من بنات الحور لون وزهايا
بالخد والمبسم وحمر الشفايا *****ومبيسم (ن) ياسل ثمان رهيفات
وباقي الألفيه مخربط فيها لاني اكتب من الذاكره ,,, واذا اعجبتكم كملتها بعد مااجيبها كامله من بعض اللي حافظينها.
|
وهاذي بعض الابيات التابعه للألفيه :
الصاد صوبني ظبي الحنادي ******اللي هواها ساكنن في فؤادي
انا اشهد ان الزين غاية مرادي******مالي بغيره لو هن كثيرات
الطاء طلبت الله يجلى همومي ******واسعد ولاابقى بالحياة محرومي
لعل حظي بالملامه يظومي******واسعد بشوف الزين واجلا الحسوفات
الظاء ظميري صار كله حراده*******واسبابها المجمول طول فراقه
ماعاد لي بالصبر يازين طاقه*******أسهر وأطوح تالي الليل ونـــات
العين علمتك وهاذي علومي *******ياسيد روحي صرت منك محرومي
عليك قلبي بين الأضلاع يومي******مثل العلم تومي به رياح صلفات
الفاء فؤداي من هوى الزين ضامي******ليتك يانور العين تسمع عتابي
وتشوف حالي بالسهر والعذابي******دايم عيوني من فراقك حزينات
القاف قلبي مايبي غير خلي*****يانور عيني يابعد كل من لي
خليت دمعي فوق خدي يهلي******خليتني بهمن وغمن وحسرات
الكاف كنيت الخبر عن عدوي ******ياروحي يا روح الروح وش اسوي
حبك على القلب الجريح متلوي*******لك بالحشا يانور عيني محلات
اللام ليتك ياحبيبي قبالي*******مانيب عنكم ياهوى البال سالي
اشغلت قلبي ياحسين الدلالي*******ب خدود حمر وعيون كحيلات
النون نوره مثل بدر التمامي *******عذبت حالي ياظبي العدامي
اسهر وكلن في منامه ينامي********ودموع عيني فوق الأوجان ذرفات
الواو واويلي على شوف خلي *******ياما سهرت الليل محدن فطن لي
افداك في حالي ومالي وكلي *******وانا من اسبابك تعرضت للافات