عرض مشاركة واحدة
قديم 25-10-2017, 03:09 PM   #1
أليا صهل
متداول نشيط
 
تاريخ التسجيل: Nov 2012
المشاركات: 10,221

 

افتراضي ليت البشر مايجرحون الاحاسيس :: يـاحــي طـاريهــا ولــذة دفــاهــا

جعل السحاب اللي قنوفه مراميس
00000يمطر على روحي ويسقي ضماها
ويبل ريــق اللي طوتــه الهواجيس
00000يابعــد رغبــات النفوس وهـواهــا
مبطي عن علوم المطر والعواسيس
000000والششــدة لـ داار بعيــد مـداهــا
والـبرد والرقــدة بخمسـة برانيس
000000يـاحــي طـاريهــا ولــذة دفــاهــا
ليت البشر مايجرحون الاحاسيس
000000أو ليت طيب الناس يغلب رداهـا
أضيق من شوف المدن والدواعيس
000000واقول ياحـي السعة ما حـلاهــا
ودي ادوج بـ خايـع مابعــد ديس
0000000قـد مـره سبـاع تدور عشـاهــا
البر بعيوني من الضيق تنفيس
0000000للروح من هـم السنين وغثـاهـا
لاطرفت شمس العصر ياهل العيس
000000شــب الجـروم اللي يدلك سنـاهـا
مشتاق لاجواء الشتاء والنسانيس
000000والسيل لاغطـى البقـاع وكسـاهـا
واجمل عطر يسوى عطورات باريس
0000ريــح الحطــب بـ ثيـابنــا لامـلاهــا
أليا صهل غير متواجد حالياً   رد مع اقتباس