اقتباس:
المشاركة الأصلية كتبت بواسطة العتيبي سلطان
هلا وغلا اخووي الحويطي الحجاز والله نا مشتريها بكامل السيووله بي 21 اما البيع انا ابي رايك كم ابيعهااا والله ما عندي شي اعدل فيهاااا الله يخليك يارب كيف وضعه ابي رايك وكم البيع انا بنتضارك علي البيع
|
هلا بك اخوي سلطان
ياغالي هدفي انك تقد تحكم على سهمك
لو اي شخص قال اطلع من سهمك وهو اجابي
تكون متاكد وواثق من مسار سهمك
ولو اي احد قال سهمك مو للبيع وسهمك متوقع انه يتراجع ماتردد بالبيع او تخفيف الكمية
وعشان كذا كتبت هذا الموضوع
سلطان لازم تتعاون معي
لايكون تعرف للمؤشرات الفنية؟
فيه واحد الله يهديه
كان يدخل ويسال ايش رايك بسمهي
واروح ابحث بالشارت والمواقع
وارجع وانا متردد اقول يمكن يتغير مسار السهم ويقول خسرتني
قلت له تابع معي بالمتوسطات قال انا اعرف للمؤشرات الفنية بس ابغى رايك
وشكله زعل
المهم قصدي
فيه البعض مايبغى اي مؤشرات فنية
يبغى دعم وتعزيز نفسي
يدور احد يقول له سهمك رووعة ومو للبيع
وعندي ان اي احد يزعل مني مقبول
ولا اني اجامله وبالاخير يخسر ويقول مانصحني بامانة
كلنا بيوم يمكن نفترق ولكن ستبقى كتاباتنا هنا تشهد علينا
اخوي سلطان
ارجع للمشاركة رقم 70 بالصفحة رقم 7
وحلل سهمك بالمتوسطات
وبالمشاركة 70 شرحت الخطوات بالتفصيل
وتلقى 12 متوسط
6 متوسطات حسابية بسيطة ( وهي موضوعنا )
و6 متوسطات حسابية اسية ( اعتبرها اشارة مساعدة )
تعطيك الراي بالشراء والبيع
شوف اي اكثر نصائح
شراء ولا بيع
والصف الاعلى المتوسطات البسيطة
6 متوسطات
هي نقاط الدعم والمقاومة لسهمك
كلمة
شراء دعم وقوة للسهم وتساعد السعر ماينزل عنه ( السبب لانه سعر شراء مناسب وتكثر عليه طلبات الشراء )
كلمة
بيع مقاومة تقابل السهم وصعوبة في تجاوزها بالارتفاع ( السبب لانه سعر بيع مناسب ومتوقع ان تكثر عليه عمليات البيع )
وسعر كلمة بيع حسب اسمه سعر للبيع
لانه متوقع ياصل له السهم ويرجع من عنده لانه مقاومة
اذا شفت كلمة بيع والسعر كان فيه ربح لك ممكن تبيع بهذا السعر
واحتمال يصل اليه السعر الاعلى ويرجع السهم من عنده
واذا تجاوزه السهم سجل قوة في الاتجاه الصاعد وإجابية جديدة
وكلمة شراء حسب اسمها سعر شراء للسهم
ولذلك هي دعم للسهم واذا قرب منها السعر بالنزول يكون مناسب للتعديل ومتوقع ان السهم ماينزل عنها
ولو نزل عنها يكون السهم سجل ضعف في الاتجاه الصاعد واشارة سلبية جديدة
واذا كل المتوسطات المتحركة
12 متوسط كلها كلمة شراء
لا تبيع سهمك
واذا اقل القرار لك
واهم متوسطات بسيطة
حسب متابعتي
وانصحك فيها
وتكفيك عن كل المتوسطات
متوسط 5 ايام ( سريع المتابعة وممتاز للمضاربة )
متوسط 20 يوم ( يعتبر اشارته متوسطة السرعه )
متوسط 50 يوم ( للمتداول اللي مايتابع سهمه بصفة يومية )
اخوي سلطان
حلل سهمك وبعدها
نتناقش باي شي غير واضح لك
واذا انتهينا من المتوسطات الحسابية
نشوف موضوع غيره
تبسيط لاستخدام الشارت
واهم المؤشرات الفنية الجاهزة على الشارت
والله يوفقك