مساء السكر الذايب على شفة صغير السن
مسا وحشه مسا لهفه تبين قدرك الغالي
...
هلا ترحيبة العاقل الامن مس فيه الجن
من زود الفرح لبى يصيح بصوته العالي
...
احبك كثر ماتعشق مجالسنا لشرب البن
احب اسمع سواليفك وصوتك صار مدهالي
...
...تفضل ياهلا بك كل. مافيني يبي تسكن
حنايا خافقٍ ينبض على طاروق احوالي
...
تسلا في عيوني شوي رقصها بوترك وغن
عيشها لحن مفقود يمسح دمع همالي
...
حيرها ببسماتك ..خل رموشها تنجن
تزف لجفني احداده على نومه واسبالي
...
لاجل ماتفوتني لمحه من اشكال الجمال وإن
نوا خاطرك يجذبني اجي لك سيل سيالي
...
ابي افرش لخطواتك ورود اشكالها تفتن
اخافك تتعب بممشاك لأجلي ياهوا بالي
...
كرهت أخطي على المألوف واغليتك خلا ينكن
يخلي فتوى أخطائي مباحه دوم تحلالي
...
احبك غصب عن حالي احبك أشكرك ممتن
لأني من عرفتك شفت ضي العمر وضلالي
...
ترا كل النسى بكفه وأظفر أصبعك يوزن
اجل وشلون لو كلك دخيلك ارحم الحالي
...
ابيك بعالمي حاكم تغير شرعها وتسن
قوانينك لها عابد يطيع ويعشق الوالي
------------------------
البعد يجرح وانا ماكان فـي وسعـي
الاانـي اقـول لاتبطـي وتنسـانـي
ان غبت عني نظر لاتغيب عن سمعي
ماتدري اني بدونك شخص وحدانـي
الله لوشفتني وش كـان وش وضعـي
غريب ماله مع اهل الارض عنوانـي
اخاف كل الوجيه وصرت عن ربعي
اخاف تذكر واجيـب العيـد بلسانـي
لاوالله الا عرفـت الليـل ياشمـعـي
ضوالمدينـه بعينـي عقبكـم هانـي
يامهاجره حلقـي بالقلـب وارتفعـي
يصيرقلبـي بقربـك عالـمٍ ثـانـي
العيـن ماهـودت لوينتهـي دمعـي
يزداد فيها الامل والوقـت يعصانـي
البارحه ضاع فردي في رجا جمعـي
وضيعت كل الفرص واخترت حرماني
يابنت كان العقـول بفكرهـا رجعـي
انا دليلـي شعـور وحـس وجدانـي
مادام قلبـك يبيلـه حاكـمٍ شرعـي
سلمني العرش قبل المـوت ياطانـي
اسمع حمام البيوت اللي بـدى يلعـي
حزين في غيبتـك مانـام سهرانـي
ارجوك كانه حقيقه والسفـر قطعـي
خليه يصبر دقا يق بس مـن شانـي
بحط عيني بعينـه واندهـه وادعـي
خذني مع القلب لاتترك جسـد فانـي
تدرين دامه فراقك كان فـي وسعـي
اودعـك قبـل ماترحـل وتنسـانـي