عرض مشاركة واحدة
قديم 21-04-2015, 05:55 AM   #22
صعفق الفايز
متداول نشيط
 
تاريخ التسجيل: Jun 2014
المشاركات: 1,277

 
افتراضي

^

يا سعود لا تنشد ترى ماني مجيـب=خل اللذي خافي له شهـور خافـي
أن شفتني مغتاض لي حق ومصيـب=ياسعود مزعلني جديـد اكتشافـي
الغالي اللي كان من قلبـي قريـب=بيني وبينـه صـار مثـل التجافـي
أن قلت زلة مثلنـا زلتـه عيـب=من قال لك شمس الضحى ماتشافي
وان قلت هقوة يمكن تصيب وتخيب=كم لي سنة ماشفت فيـه اختلافـي
وان صار في نفسه بعض شكة وريب=حتى البحر ماهو على طول صافـي
صرنا من الصدة سوات المصاويـب=كلن نقل جرحـه وقـال أمتعافـي
أصعب فراق فراق عكف الاشانيب=ماهو مفـارق لابسـات الغدافـي
الذيب لامنه عوى... جاوبه ذيـب=والعلم حامض بس ويـن الأشافـي
دامه لقالـه غيـر قلبـي معازيـب=الله يسمـح درب هـاك السنافـي
يروح لايرجي رسـول ومكاتيـب=هو خابر أني مـا اتلفـت خلافـي
واللي تعلى فـوق روس المراقيـب=اكيـد ماتسفـي عليـه السوافـي
اليوم نفسي طابت وباكـر يطيـب=جرحي لو أنه من يديـن المشافـي
خلصت والدنيا دروس وتجاريـب=سجل يابو عبدالعزيـز أعترافـي
صعفق الفايز غير متواجد حالياً   رد مع اقتباس