[بدون مجاملة]

طبعاً يا إخوان مو انا مجربها شخص عزيز علي جربها وشكلي راح اسوي مثله

الطريقة وحسب كلامه بالتفصيل

في البداية كان يطمع ويطامر وينقهر ويغامر ويخسر

وفي الاخير قال مافيه غير الصبر للابد ؟؟؟

كيف

اقولكم كيف

الرجال كان ماخذ قرض وطامر وخسر نص راس المال خلال ست أشهر وطبعا شغله كان في الاسهم الخفيفه وبالذات في قطاع التأمين

دخل بما تبقى من راس المال في سهم معين وكالعادة نزل السهم

راح وجدد القرض بعد شهرين معاناه وانتظار وبالواسطة علشان يجدد القرض وبرضوا عدل في نفس السهم وكمان نزل

طبعاً يصفى له من راتبه بعد الاستقطاع 7500 ريال

كان يشتري مستلزمات المنزل ويرتب اموره وقبل ما ينزل راتبه الثاني بيوم يدخل بما تبقى في نفس السهم واستمر على هذا الحال مدة عشر اشهر وفي الاخير لقى نفسه ربحان ما يقارب 5 الاف ريال طبعاً المبلغ قليل بمقارنته مع الصبر بس فرح فرح مو طبعي وخصوصا انه اول مرة يحقق ربح

لكن ربح اكثر بالطريقة اللي اتبعها

1- فصل افاق شامل ووفر المصاريف اللي مالها داعي وكان يدخل مرة في الشهر لشراء السهم بما تبقى من راتبه عن طريق مقهى انترنت بخمسة ريال لمدة ساعة فقط يعني كل شهرين 10 ريال وافاق شامل بسرعة 128 تكاليفها تقريباً 300 ريال على ما اعتقد يعني فرق 290 ريال

2- وفر فواتير جوال حيث كان يتصل على فلان وعلان يدور توصية او خبر وكانت فاتورة الجوال تصل كل شهرين 900 ريال تزيد ما تنقص عن هذا الرقم اما الان تجيه الفاتورة 300 ريال كحد اقصى يعني وفر 600 ريال

3- اشترى راحة باله من ضغط المتابعة اليومية مع النزول والارتفاع وتفرغ للجلوس مع اطفاله واسرته وتغيرت اخلاق وتعامله للافضل بعد ما كانت اعصابه تنحرق يوميا

والان صار يطبق نفس النظرية بس بشكل افضل وهو تقسيم راس المال على دفعات والانتظار لفترة طويلة قبل التفكير بالتعديل يعني التعديل مرة او مرتين كل شهر يعني المضارب يطفش وهو مرتاح البال

اتمنى اكون وفقت في الشرح

مع تمنياتي للجميع بالتوفيق