حيّاك وبيّاك يالغالي ساري
وإبشر بعزِّك بالشعر نلبّيه:
نآدِ الشِّعِر ويجي يِلبِّي (السَّهَم) سَمّْ
حِنّآ نِلَبِّي الخيرْ سَمْعٍ وِطآعَه
إذآ القِصيدْ يِتدآولونَه بِـ عَلى كَمْ
فإغسِل يِديكْ مِن مَقصِدَه ومِن طِبآعَه
الشِّعْرِ نَسجِ القَلبِ مآهو حَكيْ فَمْ
وبآ ألَبِّسَه خآطِركْ بِقَدْرِ إتِّسآعَهْ
اْلأَعمى يِشوفِ حِروفَنآ وِيِسْمَعَه أَصَمْ
وِتَرْقِصْ حِروفَهْ رَقْصِ مآ بَهْ خَلآعَه
رِبآطِ الإخوَّه عِنْدِنآ أقوى مِنِ الْدَّمْ
وَالله يِجَنِّبنآ الحَسَدْ وِالقِطآعَه
وتِكْفونْ شِيمَةْ ذِكْرِنآ الخيرِ بِالَكمْ
وِصَلّوا على مِحمَّدْ بِنيّةْ إِتِّبآعَه
وسلامتكم
مع ودّي أبوسعود سهم المنايا