[علي المزيني]

يا بنت انا قلبي من البعد محـروق

لا تحسبين انـي قطعـت العلاقـه

محبتك في القلب وابراجهـا فـوق

تشيل صوت اسمك وحلم الصداقـه

محبتن مـا شالهـا كـل مخلـوق

بطاقـة يـا حيهـا مـن بطاقـة

يسوقني طاريك لمشاهـدك سـوق

واشفق على لمست ايدينك شفاقـه

والصبر زين وكل مطرود ملحوق

شرهة قدم رجل على عظم ساقـه

زرعت لك زرع له اثمار وعروق

وقدمت لك من زهرة العمر باقـه

وإن كان عندك شك لا ناشك العوق

في قلبـي اللـي يزيـد اشتياقـه

الشوق مشتاق لك اكثر من الشـوق

شوق بدوي ضاعت اغلـى نياقـه