قصيده مرثية في الوالد رحمه الله رحمة واسعه كتبها احد اصدقائه وبلاشك انها اعجبتني واعتذر اذا كان المقام ليس مقام قصائد رثاء
عزاه باللي تالي السبـت مدفـــــون فقـيدة ياكبـرها من فقيـــــــــــــده
سلمان صار من أول اللي يعــزون مرحوم من حط المراجل رصيده
من موتتك ياشيخ كم تبكـي عيــون يالله عساك لجنـة الخلـد سيـــــــده
اللي بكوا من فقدتك مايلامـــــــون ماينسى راعي الفعـول الحميـــــده
كل على فرقاك ياشيخ محــــــزون وأنا حزن قلبـي يقص الحديــــــده
ترى الأجل محدود مهما تقــــولون سبحان من هو صرفت الخلق بيده
لو تجتمـع كل البشـر مايـــــــردون أمر الولـي ينفـذ على مايريـــــــده
كم من فقير جاه معسر ومديــــــون قضا حلالـه ما بقالـه شريـــــــــده
ثم راح متغاني ويشكر وممنــــــون بعد الفقـر صارت حياته سعيــــده
وإن شاف ضيفان على البيت يلفون يفـرح ولاعمـره يمد الزهيـــــــده
بيتـه مقــر للعــرب مايصـــــــدون ابو فهـد عز الرفيق وعضيـــــــده
يالله يامعبــود ياخــالق الكـــــــــون يموت مخلوقك وتقدر تعيـــــــــده
ياللي جميع الناس لاجلك يصلـــون اجعل مقره في الجنان المديـــــــده
|