[راكان``]

.






من خصايص عنود الصيد كثر الطواري ....... عادة الظبي يجفل لي تحرك ظلاله
ما يصيد الجوازي كود بخص وضاري ....... القنص بالركاده والتسرع جهاله
ولا يعرف الطرد من لا يعرف الصحاري ....... ما تعرض سموم ولا تعرض شماله
كل درب عليه من المخاليق ساري ....... للسوالف رجال وللشكاله رجاله
وأنت عشقة حياتي يا غزال البراري ....... أتفاول بوجهك سعد من صرت فاله
أنت والله حبيبي وأنت والله داري ....... إن نظرة عيوني يم غيرك جماله
ما انقطع سيل حبك بالمعاليق جاري ....... كن قلبي خلقه الله لحبك سباله
ليلتي يا قمرها غار منها نهاري ....... حيث وصل الموده همسة في لياله
جعل واهج غرامك مثل وجدي وناري ....... مير ما أظن في دنيا المحبه عداله



.