البارحه عديت في راس مزموم
ابطرق الي له سنه ابطرقه
اعرف مكاني واخذ خيار القسوم
وعلى الغني ماوالله تمد صدقه
ولا طمعت بصيدةٍ من فرخ بوم
طيري على كفي ولابد اطلقه
يفقع قلوب الجول يوم انه يحوم
من دون مايطقه تقول معلقه
اضحك ليا شفت الرخم فوق الرجوم
ينغش فيها واحدٍ ماهوب ثقه
والا الثقه يعرف مكانه ومحشوم
واليا وقف مابش في الوجه عرقه
الشمس فوق ولاتغطيها الغيوم
تبقى على سبع الاراضي مشرقه
والصيف توه..هبت رياح السموم
تشوي الوجيه الي منقع في مرقه
هم يحسبون المرجله بلبس الهدوم
ونفخ الصدور وجيههم فيها برقه
يانايم اصحى مايفيدن الحلوم
ارجع على الماضي ولف الك ورقه
العلم سده علم ياكبر العلوم
كل العلوم مدونه وموثقه
شاعر مفوه وفي يدي اقوى العزوم
الله وهبني الشعر هو وش ضيقه
انا ولد من لاوقف سد اللزوم
يعشق المراجل مثل ماهي تعشقه
ابوي لاثقلت وكبرن العلوم
يشيلها وخلا الرخوم معوقه
مادار في صدري نضمته وعالعموم
الي يعرض لي حالف اني لا احرقه .
|