[كريم_كرم]

بسم الله ..

آدي يا جماعة السهم اللي عمل الليلة الصعبة دي .. هو اللي جاب السوق الأمريكي على مناخيره ..

زي ما بنقول هنا في مصر .. الكبير كبير .. فشركة بالحجم ده لما ترمي ..

تعمل فزع في السوق كله ..

جنرال موتورز .. على شارت الأسبوعي ..



ممكن بقى حد يقول لي ..

الشارت نازل المشوار ده كله .. لغااااااااية ما لمس ترندين متقابلين مع بعض في نفس النقطة مع نسبة 161.8 % فيبوناتشي ..

يا ترى المشوار ده كله .. نزله .. علشان ينزل تاني ؟؟

طب لو نزل تاني .. هايروح فين ؟؟

المفروض .. لو كسر 161.8 % لتحت .. يرتد من 261.8 % ..

261.8 % دي .. تحت الصفر !!!!!!

ويا ترى 8552 اللي اتكلمنا عليها امبارح مع حبيبي أبو حمد .. وتقريباً وصلنا لها النهاردة ..

جرينا عليها كده بسرعة ..

صدفة ؟؟

وبعدين مين اللي باع بمجرد كسر 9000 ..

نبص سوا على الفوليوم وتوزيعه في الكام يوم الأخير ..



معقولة ؟؟

المشتري في سوق في منتهى العنف نزولاً زي اللي عايشينه آخر كام ..

لو أفراد ..

هايبقى توزيع الفوليوم .. بالشياكة دي .. أتحدى !!

اللي بيشتري مؤسسات .. عارفة قيمة الكنوز اللي هي بتستولي عليها شراءً من المستثمرين دلوقتي

وده واضح من الفوليوم وعلاقته بمناطق التعريض والهبوط ..

المهم ..

زي ما قلت امبارح .. بكرة يوم حاسم جداً جداً جداً ..

بعده ..

الكلام على اللي قلناه امبارح .. يا يبقى زي الفل ..

يا إما ..

يبقى زي الفل برضه ..

قولوا يا رب