ثلاث سنين انا اشوفك .. وكم حاولتلك اوصل
ولا اوصل ؟؟!!
عسى ظروفك بترحمني وتتبدل
انا اخر شخص حبيتك .. وانا في حبك الاول
وانا اضعف شي في بعدك .. وانا لا يمكن اتحمل
اشوفك صامته وحدك ..
مثل وردة على جدول بعيدة عن حياض الماء
جذورك عاجزة توصل ..
يارب الورد لايظمأ
يا رب الورد لا يذبل
وانا الذبلان دونك حيل بدونك كيف ما اذبل
💔
انا العاجز انا المحروم ..يا ورد ارجوك لا تزعل
انا والله لين اليوم وانا نفس السؤال اسأل
من منا سهير العين ؟ ومن نام على المخمل ؟
من منا ينادي اين الثاني ..
ومن يجهل من الطاغي على الثاني ؟
من الجائر من المحتل ؟
على الوصل تعودنا ..ثملنا كيف لا نثمل ..
ليالي الوصل غرتنا.. وأثاري الزين ما يكمل
💔
ابي لقياك يا وردة .. ابي هذا اللقاء يحصل
واصير بحبك المسُرف .. وانا في حبك الابخل
واصير بحبك الظالم .. وانا في حبك الاعدل
انا الصمت البليغ احيان .. وانا الحكي اللي مايختل
انا احمق من الصبيان .. واجاري لاجلك الاخطل
ولكن كيف القاكِ طريقي وردتي مقفل 💔
وإذا هو ذل يا حبي .. من الورد ما ينذل
عزيز فيك يا قلبي .. معك ارقى ولا انزل
ومثل ما قالها راشد ولا هو لها ينزل
رفيق الغيم والرعد يبي يرقى الى الاسفل 