عرض مشاركة واحدة
قديم 18-04-2011, 01:24 AM   #20
خطوات أنثى
متداول نشيط
 
تاريخ التسجيل: Mar 2010
المشاركات: 2,951

 
افتراضي قصيده للعازمي .. اعجبتني



حزة القشر
اللي يخزك بنظرات القشر خـزه

واللي يعدك قريبي عـده قريبـي

للطيب وقت وكذلك للقشـر حـزه
ما كل وقتٍ يبي ينفع بـه الطيبـي

ومن لا يعزك ترى عيب انك تعزه
وابو مشاعيـب خلـه للمشاعيبـي

لا تستوي للطيـور الطايـره وزه

خلك سوات النداوي لـه مخاليبـي

والرجل لو ما يحاسب كل من كزه

يصير في يّدهـم مثـل اللعابيبـي

لا صار ما له على راع الخطا فزه

يجسر عليه الردي لو كان هو ذيبي

اللي يلزك على درب الخطا لـزه


لو كان ذيبٍ شجاع ويقنب قنيبـي

بالقعل تقدر عليـه وتقـدر تجـزه

بالجزه اللـي تجّـود بالعراقيبـي


دوك الجبل بالشجاعه محدٍ يهـزه

لكـن بالعقـل هـزوه النواجيبـي

خلك شجاعٍ ولك عقلٍ ولـك عـزه

تمشي على المرجله وتجّنب العيبي

والمرجله نيلهـا يحتـاج لـه دزه

ما نالها كل من عـدى المراقيبـي

والرجل لا صار ما له فعلٍ يـرزه

ما ينتوجب ليا جـات المواجيبـي
خطوات أنثى غير متواجد حالياً   رد مع اقتباس