سلام عليكم...
طبعا في المنتديات..يحلو للشخص ان يستمتع بالكتابه..
وفي المجالات التي يجد نفسه فيها...
حتى انه ربما لايجد شخصيته الحقيقيه الا من خلال الكتابه بالمنتديات..
سؤالي الان..
احححح عورني لساني وانا اتكلم فصحى..
ماش موب لابق..
المهم..هل اهلكم ومعارفكم يدرون انتم وين تكتبون؟؟
ووش اسماءكم المستعاره؟؟
وهل يتابعونكم؟؟؟
انا بالنسبه لي حصلت لي مواقف كثيره بهالموضوع..
اول مادخلت النت وكنت عليميه..
كنت عادي اعلم صديقاتي وزميلاتي..
شوفوني تراي انا فلانه بمنتدى علان
ويقرون وعادي..فرحانه حضرتي
مع انهم كلهم يكتبون ومدري وش اسماءهم:confused:
بس عاد الكماخه-وقاكم الله شرها-قولوا امين
المهم مره انا كنت مريضه بالمره
فيني انفلونزا بسم الله علي
واخذت من المستشفى اجازه مرضيه..3 ايام..
باليوم الثالث الصبح..تشافيت الحمدلله شوي..
ورحت لجهازي وتسندت بعشر مخاد(الله لايفتننا الا بطاعته)
وفتحت على منتداي اللي اخربط فيه وكتبت موضوع اسمه..اجازه مرضيه..
غير اللي كتبته هنا طبعا..
كان عباره عن سواليف وخرابيط وخذاريف خذرفتها خلال اجازتي المرضيه
وكان على الخط اعضاء كثيرين بنفس الوقت..
فالموضوع صارت له ردود كثيره واخذ يمكن ساعتين مابين كتابته والترديد على الناس..لمين هلكت ورجعت لفراشي ثانيه..
المهم<--مابغت تجي ذي..
يوم رحت للشغل من بكره..
وانا يالله اشيل رجليني واعرج(مدري وش دخل العرج-بس لزوم التمثيل عاد)
وصاكه عين وفاتحه عين-من زود النصب
واروح اباوقع على دفتر الحضور..
ووش القى مدبس عليه؟؟ ؟؟؟
طرررررررررررررررم
طررررررررررررررم
القى موضوعي اللي امس كاتبته وانا يقاللي غايبه مريضه ماقدر اجي للشغل..
والقى مديرتي وراي تقول..
بسم الله عليتس يامرفت(ابوك يالتمويه)..عساتس تشاويتي؟؟
اشوفتس تدهرين طول امس الصبح على النت
وانا خلالالالالالالالاص بي الصيحه من الفشيله..
بس بالاخير فقعت من الضحك..
وضحكت معي الاخت وعدا الموضوع على خير..
وفيه مواقف ثانيه..
بس اني تعبانه وجاني النوم الحين...
يللا هاتوا اللي عندكم..