[علي المزيني]

أختي رااانيا عندك احساس شاعري جميل يشعرني بان لديك ذائقة شعرية رائعة

[poem font="Simplified Arabic,6,white,normal,italic" bkcolor="transparent" bkimage="http://tdwl.net/vb/images/toolbox/backgrounds/21.gif" border="ridge,4," type=2 line=0 align=center use=ex num="0,black"]
البارحـه همـي طـوى خافقـي طـي=وأوقد سعيـر الحـزن جمـر وشظايـا

تكفى ياليلـي خفـف جروحـك شـوي=تعبت أشـوف عيـون صبـري عرايـا

كريـم ياجرحـي مثـل حاتـم الطـي=لا والله إلا زود وأكـثـرعـطـايــا

تسهـر معـي إليـن مايبلـج الـضـي=وتواصل السهـره إلـى أخـر مدايـا

وإلى غفيـت شـوي تجمرنـي بكـي=هـم (ن) يفتـت مهجتـي مـن عنايـا

واطيح باحضـان الألـم آآآه وش بـي=ماعدت اميـز صاحبـي مـن أعدايـا

أصبر وأداري شـي وبخاطـري شـي=وياكثـر أشيـائـي وقــل أصدقـايـا


والحيـن لحظـه بـس بقولـك شــي=وأبيـك تفهمـنـي وتسـمـع نـدايـا

صحيح وقت(ن) بك جمعني ماهو شـي=بالنسبـه لعـرف البـشـر والحكـايـا

وأدري بـأن ايـام معرفتـك شــوي=بعيـون مـن يجهـل بيـاض النـوايـا

لكن وعز اللي خلق ميـت مـن حـي=إنــك مـسـوي بالحنـايـا سـوايـا


أزعجتـك بشوقـي وكثـرة أمانيـي=وكشفـت لـك أوراق داخـل حشايـا

وروضت لك عقلـي وقلبـي وقوافيـي=وعسفت لـك أطهـر شعـور الحنايـا

وانا عرفتك قلب به طهـر بـه ضـي=وجيتـك لبيتـك مـا حسبـت الخطايـا

وانـا الـذي مانـي مثـل هـذي وذي=ولانـي مثـل غيـري عديمـة مزايـا [/poem]