((( احاسيس القلوب )))
شاعر سألني قال ماعندك ابيات
ـــــــــــــــــــــــــــــــــــــــــــــــــ ابيات وصف لمن تعزل جسدها
اطرب مسامعنا بشعر البدايات
ــــــــــــــــــــــــــــــــــــــــــــــــ وعذب البيوت اللي زمانك حصدها
والا انت صوفي مادخلت الملذات
ــــــــــــــــــــــــــــــــــــــــــــــــ ولا عشت احاسيس القلوب وسعدها
قلت انت ذكرت المولع بمافات
ــــــــــــــــــــــــــــــــــــــــــــــــ وقصيدةً في العشق ما جاء بعدها
لكن قبل لدخل معك في متاهات
ـــــــــــــــــــــــــــــــــــــــــــــــــ وش تنتظر عقب الحياه وجهدها
اسألك وش جهزت للقبر اجابات
ـــــــــــــــــــــــــــــــــــــــــــــــــ لا جاء لروحك يالمهاوي وعدها
تبي تقول انك غرام الجميلات
ـــــــــــــــــــــــــــــــــــــــــــــــــ وعوراتهن قلبك وشوفك رصدها
والاتقول انك حفظت الصلاوات
ـــــــــــــــــــــــــــــــــــــــــــــــــ وكم سجدتً لله جبينك سجدها
وانك تجنبت الغزل كل الاوقات
ــــــــــــــــــــــــــــــــــــــــــــــــ وابيات شعرً كل عاقل نقدها
كانك عقلت ابشر بما يخفي الذات
ــــــــــــــــــــــــــــــــــــــــــــــــ وابشر بعذبات القصيد وشهدها
ايوالله اعشق عشق الاحياء للموات
ــــــــــــــــــــــــــــــــــــــــــــــــ لا والله الا عشقي امر و ادها
عشقي يفوق الارض هي والسماوات
ــــــــــــــــــــــــــــــــــــــــــــــ وانجومها اللي مايقدر عددها
ويفوق عشقي ماتظم المحيطات
ـــــــــــــــــــــــــــــــــــــــــــــــ من كل مخلوقات ربي وجدها
وعشقي لها ماله حدود ومسافات
ـــــــــــــــــــــــــــــــــــــــــــــــ في كون ربي وارضه اللي فردها
لويجمعون اهل القصص والروايات
ــــــــــــــــــــــــــــــــــــــــــــــــ واهل الحديث اللي صحيحً سندها
ولو تجتمع كل الجمل والعبارات
ــــــــــــــــــــــــــــــــــــــــــــــــ والاحرف اللي كل شاعر سردها
واتحط في كفه مع العشق لحظات
ــــــــــــــــــــــــــــــــــــــــــــــــ ماوصلو لاصغر اظفورً بيدها
تدرون من هي عشق من صاغ الابيات
ــــــــــــــــــــــــــــــــــــــــــــــــ امً حنون يموت فيها ولدها
شعر/ اخوكم المرقاب
ابوحمد