[ابوطالب]

اخي المستشار العقاري والله ما ذكرت الا الصدق واولهم الدريبي واذا انت اشتغلت معاه فانت تعرف كيف يمول مساهماته
وانا باسئلك شخص (((( الدريبي او غيره))))))) يدفع عمولات تصل الى 10% من المبلغ المساهم به لمن يحضر مساهم هل تسميها عداله بالله عليك اعتبرها نصب واحتيال فالعمولات تدفع من فلوسي وفلوس المساهمين
وبعدين ابشرك بان الدولة انتبهت لموضوع تدخل مؤسس او مساهم يعني بالنسبة للمستثمر الضامن والرابح في نفس الوقت من البداية وعملت كنترول وربطت الموضوع الان بالغرفة التجارية لمنع تلاعب المستثمرين حيث تعرض المساهمة بعد الموافقة على اسعار القطع ومناسبتها بعد التطوير ومقارنتها باسعار المناطق المجاوره وفي نفس الوقت منع التدليس والضحك على الدقون والدخول في المساهمة بسعر الخام بدون كلام فاضي وتاسيس ومساهمة يعني تدخل كموسس وتربح كموسس عند بيع المخطط في نهاية المساهمه المعتمده من البداية
يعني كل العملاء المسترزقين بالضحك على الدقون واستغلال حاجة الناس بالكذب والدجل ما عاد يستنفعون لان الامر بيصير غير مفيد للمستثمر الهامور الكبير واتحداه هنا يدفع عمولات لان الامر ما عاد يربح
وبعدين سوال بسيـــــــــــــــــــــــــــــــــــــــــــــــ ــــــــــــــــــــــــــــط
ليه حكاية ربح مؤسس وحكاية ربح مساهم
خليها مساهمة للجميع والربح واحد الجميع يدخل بسعر المتر الخام وربي ارزقني وارزق مني والتزم بالتطوير وانهائه لا تقول في البداية بعد سنة الربح المتوقع 60% ثم بعد ثلاث شهور تبيع المخطط بدون تطوير والربح 10% فالمساهم شارك معاك من البداية حسب معطياتك للمساهمة والتزم بالمساهمه حسب شروطها وموعدها ليه انت كمطور لا تلتزم وتبيع بسرعة ولا ضامن ربحك كموسس 50% + 10% كمساهم بعد ثلاثة شهور والاغلبية دخلوا كمساهمين ياخذون 10% ويضفون وجيههم
الحكاية مبدا
وعلى راي المثل الفلوس تغير النفوس لا تقولي هذا شيخ دين وهذا مدخن &&&&& هذي تجارة وحظ اللي يراعي الله فيها فهو رب الرزق والخسارة
لكن لا تلعب ولا تضحك على البشر
مستثمر واحد وعشرة مسوقين بعمولات يستفيدون عشرة اضعاف بفلوس مئة الف مساهم لهم تراب وتبن
وما يعرف الشوك الا من طاح فيه ولكنه قدر ما نقول الا حسبنا الله ونعم الوكيل هو العوض ومنه العوض