بسم الله الرحمن الرحيم
المزيني يقول
يافقر قلي وش تبي من ورانا
زودن على فقر الدراهم فقر دم
ما حاشت ايدينا غدابه عطانا
نبذل ولانحسب يدينا عطت كم
ولابه رصيد عندنا من يدانـا
الا الفعول الطيبة خشيت الذم
لو انتسلف للغدا من عشانـا
نصبر ولو احوالنا كلها هـم
ونا قول
الفقر.. ولا.. يوم الذيب جانا
جاب العلوم الطيبه خل عنك الهم
وشب ضوك تعال قرب حدانا
البيت بيتك وانت فينا ولد عم
يامرحبا بالي لفانا مسير وجانا
راعي الفعول الطيبه خشيه الذم
ترى عشاك اليوم وبكره من عشانا
حياك ربي يالمزيني وقل تــم
والفقر خله وش تبي به ورانا
يهبى الملعون ما شمرت له كم
اخوك / هترل
|