خلاص انسى غرامك حل عن عينـي
لابو غـرامٍ مـع العشـاق مايرقـى
مليت أناجي طيوفك وإنـت ناسينـي
تعبت وإلا إنـت لا تتعـب ولا تشقـى
محبتـك عفتهـا لا تنشـغـل فيـنـي
مهمـا تسـوي ( قسـم بالله ماتبقـى )
لا تذكر إسمي على لسانك وتطرينـي
دور بــدالـي وأنـا أتحـداك إذا تلقـى
الفرق واضح حبيبـي بينـك وبينـي
الارض ما تستوي عند السما الزرقـى
ما عـدت أصـدق كلامـك يا معنينـي
كذاب وأهل الهوى في كذبهم غرقـى!!
كنت أجمل أيام عمري وأجمل سنينـي
كنت الوله والشجن لا ناحـت الورقـى
وإن كان ودك تجي بعطيك حليني
إختار يا صاحبي ( الفرقا أو الفرقى ) !!
ملعـووون جـد الغـــلا كانـه ينسينـي
اسلوم ربعي وخطاة الجـادل الطرقـى
خلاص إنسى رجوعك طحت من عيني
ماتدري ان المطر لاطاح مايرقـى؟!
|