يا أخوان فزعتكم ابي الرد عاجل
 

[SIZE="3"][SIZE="4"][COLOR="Blue"]انا واحد من عرض هالناس قدر الله علي واكتتبت بسهم دانة غاز (الله لايعيده من اكتتاب)طبعا بعد وجع راس .المهم ان شيك الفايض عاد الي بعد خمسة اشهر استلمته واودعته عند بنك النقص والمرمطه بنك الراجحي بتاريخ4-1-2006والى يومك ذا وهو مانزل بحسابي وكل مامريتهم وسئلت عن الشيك قالوا الشيك اخذ مجراه اصبر لك اسبوع صبرت صبرت وصبرت اخر شي مريتهم وقالو لي المشكله من عند نفس البنك اللي مكتتب فيه دق عليهم ودبر وضعك قلت اوكيه دقيت عليهم وكلمت حدا الموظفين وعلمني ان المشكله من عند بنك الراجحي وأن الايداعات يتم تنجيزها بسرعه وفهمني ان ليس لهم علاقه بالتأخير وهذا انا بينهم كلن يوديني للثاني .
سؤالي ياخوان نويت اخذ الشيك من ادارة بنك الراجحي بالرياض واطلع للامارات واسنعه بس خايف اتعنى ولا يصير شي ارجومن الله ثم منكم ان تفيدوني بالطريقه المثلى لحل هاذه المشكله لان ماعندي غير الاسبوع ذا اللي اقدر اروح فيه نظرا لضروف العمل.
[/COLOR][/SIZE][/SIZE]

الاخ الفاضل ،، السلام عليكم ورحمة الله ،، اخي الفاضل غريبة الي تقولة ،، لان الكثير اعرفهم واودعو شيكاتهم بالراجحي وبعد شهر او شهر ونص سلموهم المبلغ واخذو كم ريال نظير الاتعاب طبعاً ،، نصيحتي لك ان تفهم ماهي المشكلة بالظبط لان البنوك تاخذ المبالغ من بعضها البعض بالمقاصه ،، وعادي الموضوع ،، وذهابك للامارات سوف يعرضك لخسائر سفر وغيرة وش الفايدة !! ،،
عموماً لو تبي تروح للامارات لازم تطلع رقم البنك الذي اكتتبت فيه عن طريق محركات قوقل مثلا وتتصل عليهم وتتفاهم معهم يا غالي ،، عشان تروح وانت على بينه من الوضع مو تروح من بنك لبنك وبالاخير تنتهي ايامك هناك ولا تستفيد

ارجو ان الفكره وصلت وشكرا