[url=https://www.0zz0.com][img]https://www5.0zz0.com/2019/08/13/14/600820203.gif[/img][/url]

[COLOR="Blue"][SIZE="5"]للشاعر وصل العطياني

مـلابـس العـيـد يــوم الـعـيـد مطـلـوبـة
غتـرة وثـوبٍ جديـد وبـشـت وعقـالـي
فالمشهد اللي يروحون العرب صوبـه
تسمع لهم مـع صـلاة الصبـح ولوالـي
كــلٍ تلـبّـس وجــاك يـمـسّـس جـنـوبـه
مـشـتـال سـبـحـة ونـظــارة وجـوالــي
ما غير موضات والموضات مرغوبـة
والاّ الحقايـق تراهـا عكـس الأشكالـي
لــو كــلّ واحــد تعابـيـره عـلـى ثـوبـه
تشوف لك شيء ما يخطر على البالي
كـمْ نـاس تلبـس ثيـاب العـيـد مقلـوبـة
تعبيـر عـن مـا نعيشـه وقتـنـا الحـالـي
مــا عــاد للعـيـد فـرحـة عنـدنـا نـوبـة
مـا عـاد لـه فرحـة الاّ عـنـد الأطفـالـي
النـاس صـارت تجـي للعيـد مغصـوبـة
ولا يعـايـدك غـيـر الـصـاحـب الـغـالـي
عـايـدك ثــم حــكّ عرقـوبـه بعـرقـوبـه
ســلام وإلــى اللـقـا فالمشـهـد الـتـالـي
صرنـا مـا نعـرف بعَضْنـا يالله التـوبـة
ما أعرف ولد عمّي الاّ من ولـد خالـي
ورفيقـي الـلـي يجيـنـي نـافـخ ذروبــه
آخـذ سنـة كاملـة مـا سـال عـن حالـي
مـن حـقّـه أعـايـده وأعطـيـه ماجـوبـه
ومـن حقّـي أوادعـه وأنـسـاه طـوّالـي
والله لـــولا صــــلاة الـعـيــد مـكـتـوبـة
لتصيـر مـن بيـن ربعـك كـنّـك الجـالـي
ليش المحبّة مـن القامـوس مشطوبـة
ليش التباغـض وليـش القيـل والقالـي
الطِّيب مرضـان والرُّفقـة فـي غيبوبـة
مـا خلّـت أجيـال أبويـه شـيّ لأجيـالـي
وإن صار جيلي هذا ممشـاه وأسلوبـه
لا والله العـلـم كـيـف أوصِّـــي عـيـالـي
العـاقـل الفـاهـم الـلـي يـعـرف دروبــه
يشوف ما شفت ويصادق على أقوالي
واللي يحسْـب إنّ ثوبـه يستـر عيوبـه
يـقــول عـيــدك مـبــارك ويتـحـلـوالـي
لــكــنّ عـيـديّـتـه مــاهــي بمـحـسـوبـة
عيديّـة الـلـي ضمـيـره بـالـرّدى كـالـي
الـلـي يـعـيّـد بـرفـقـة شـبــه مسـلـوبـة
أحـسـن يعـيّـد عـلـى هـنـدي وبنـقـالـي
واللّـي يعيّـد بــدون يـشـوف محبـوبـه
كـنّـه مـعـيّـد لـحـالـه فـالـخـلا الـخـالـي[/SIZE][/COLOR]