قصه حصلت معي موجهه للجميع وخصوصا الاخ ترايدر
 

الاخوه الكرام السلام عليكم ورحمة الله وبركاته...

اقسم بالله ان هذه القصه حصلت معي...
اخواني واخوتي انا اضارب بالاسهم السعوديه منذ مايقارب العشر سنوات ولله الحمد عينت خير منها . ومازلت اعمل بها...المهم ....

قبل حوالي ثلاث اشهر قررت ان افتح محفظه بالبنك العربي لتداوال الاسهم العالميه...وفعلا فتحت المحفظه بمبلغ يقارب ثلاثمائه الف دولار... وبدات اتابع المنتديات ذات العلاقه بالاسهم الدوليه ثم قررت ان اشتري في شركه نصحني بها احد زملائي ..بعد ذلك اشتركت في هذا المنتدى الاكثر من رائع واستفسرت عن هذه الشركه ونصحون بالخروج منها وفعلا اتبعت النصيحه وبعت بمربح ولله الحمد ...ثم انتظرت فتره حوالي اسبوع اتصفح المنتديات من منتدى الى اخر المهم طبيت في شركه نصح بها احد الاخوه جزاه الله بكل خير فقررت ان ادخل فيها واشتريت فيها وبعده باسبوع الا والشركه طالعه حوالي عشرين سنت ثم بعت بمربح ولله الحمد...

ثم رجعت اتصفح المنتديات من منتدى الى اخر وفجاءه ...طاحت عيني على واحد من الذين يقدمون النصائح ولكن ...هذه النصائح لاتقدم بالمجان ..المهم راسلت هذا الناصح..والله يعطيه على قد نياته ...وخلال يومين من المراسله على الخاص..طلبت رقم جواله واعطانياه..واتصلت عليه واتفقت معه واخذ يقول كم تعطيني وكم وكم فقلت له شف اقسم بالله مادام انك وصيتني بشركه واخذت فيها وربحت اقسم بالله ان لك عشره بالميه من الارباح ويشهد الله على اني صادق في ذلك المهم سالني كم المبلغ اللي معك فقلت له كذا واعتقد والعلم عند الله بانه سال لعابه اكرمكم الله ..وبعدها بيوم اتصل علي حوالي الساعه الثامنه مساء...
وقال لي خذ في هذه الشركه وبعد اسبوعين سوف ترى السعر دبل ..وبيني وبينكم قلت بس ياولد ان شاء الله هذا المربح..وعطاني اسم الشركه ....قلت بالله عطنى السبلنق لاني مانيب جيد بالانجليزي واشوى اني مانيب جيد وقتها..قال Oقلت الفا..قال G قلت تشارلي..قالH قلت هوتيل..قال I قلت انديا..

شوفوا العجب بالله وسبحان الله رازق العباد

اسم الشركه التي يقصدOGHI....
المهم لقطت التلفون على البنك وكان مشغول التلفون حقهم قلت بس راحت فوق وبعدها بدقائق ردوا ويوم ردوا قلت لهم واخيرا رديتوا عطوني بسرعه في هذه الشركه (الفا...تشارلي ..هوتيل ..انديا..)عطونيها يااخوان ب16سنت...
وفي اخر الليل كلمته هذا الناصح..وقلت له تراني ابشرك خذيت في الشركه اللي قلتلي بس تراني ضيعت اسمها بالله عطنيه مره ثانيه لاني ضيعت الورقه اللي كتبت فيها اسم الشركه.وقال خذ اسمها (O_G_H_I) بعدها صرت اتابع هاالشركه وهي كل يوم في نزول عيت ترتفع حتى وصل سعرها8سنت والرجال لاعاد كلم ولاشي قلت في نفسي هذا من الله واللي يجي من الله حياه الله..وقررت ان ابيع ورزقي على الله..كلمت البنك قلت بيعو الشركه اللي عندي في المحفظه قالوا وشهي قلت (OGHI) تدرون وش قالوا

قالواياخي انت عندك شركه غير قلت وشلون وبعد الاخذوالعطاء بالحديث قالوا صوتك مسجل عندنا والشركه اللي انتشريت فيها اسمها؟؟؟؟انظروابالله واحكموا
(A_C_H_I)
قلت طيب كم سعرها ..تدرون كم قالوا

















21سنت
قلت بع ياولد
وتدرون كم سعر الشركه اللي نصحني بها ذلك الشخص الان





















اقل من سنت

انا طولت عليكم وصار مسلسل تلفزيوني

ولكن الاخ ترايدر طرح موضوع يدل على انه مهتم بالمشاركين في هذا المنتدى او المتصفحين له وهذا انما يدل علىحرصه وامانته التى اوكلت اليه فجزاه الله كل خير ...

امل من الله ثم منكم بان اكون قد اوصلت الرساله لكم

وبالله التوفيق

فعلا قصة عجيبة
 

فعلا راجي الخير قصة أكثر من عجيبة ,, لكن الحمد لله أنك ما توهقت والنهاية طلعت سعيدة ,, لكن مو كل مرة يا راجي تسلم الجرة ,, وفي الأخير ما أقول الا السلالالالالالالالالام خيرررررررررررررختااااااااام ,,أخوكم ,,,,STOCK BOY,,,,

راجي الخير

الله يرزقنا وياك طاعته ورضاه وان شاء الله انك حبيب والدين ....وربي عطاك على قد نيتك وان شاء الله ان نيتك صافيه.

عموما هذي قصه للعبره للجميع الانتباه من اشباه المحللين ....

وانتبه ياخوي لاتأخذ بكل ماهو مكتوب في المنتديات ...كل سهم ادرسه على انفراد ...ومادام عندك سيوله وزع محفظتك مابين استثمار ومضاربه .

والله يرزقك من فضله

الحمد لله على كل خير
بس من جد شوقتنا للدخول في الاسهم العالميه انا عندي تقريبا 250.000
ودي استثمرها في ******* وش نصيحتك لنا ياراجي الخير

على فكررررررررررررره






250.000 ليره لبنانيه

اهلين راجي الخير
 

ماشاء الله تبارك الله (على نياتكم ترزقون) انت محظوظ غيرك جاب العيد ويوم دق على الرجال لقاها بطاقه سوى (دورني) .

عموما الجميع باستطاعته الحصول على توصيات افضل المحللين مجانا سواى من خلال متابعه هذا المنتدى العامر بوجودكم او من خلال متابعه منتدى الاسهم الامريكيه في منتديات اعمال الخليج .

ترايدر

أن الله يرزق من يشاء بغير حساب

اخوي راجي الخير (على نياتكم ترزقون).

أن الله يرزق من يشاء بغير حساب

اخواني ما أقول الا الحمد لله ان ما اشتركت مع هذا الشخص ....
لاني بصراحة من المهتمين بموضوع الاسهم الامريكية وارغب الدخول بها وكنت ابحث عن شخص او موقع توصيات وكدت ان اشترك لدى احد الاشخاص والذي قد رايت توصياته باحد المنتديات الاقتصادية العزيزة لكن الغريب لماذا يسمح بمثل هذه الامور من قبل ادارة المنتديات دون التثبت من صحت الاشخاص ....

تحياتي لكم.........
والحمد لله على عدم ضياع مالك يأخ راجي الخير.....

الشكر لله ثم للجميع
 

اهلين المهندس2004

اخي الفاضل كان قسم الاسهم بلا مشرف واهتمام ادارة المنتدى بقسم الاسهم السعوديه وكان اخونا الفاضل بلا رقيب وهو متواجد في اغلب المنتديات بنفس الاسلوب والطريقه وهي معروفه لدى الاشخاص اللي لهم خبره في السوق (الاشتراك في اكثر من موقع) ومن ثم بيع هذه التوصيات على الجدد في ******* نظام استغفال هذا حول الحاصل وفي اغلب المنتديات تم التصدي له لانه اسلوب قديم وغير حضاري .

ترايدر