نزول السوق طبيعي جداً وأنت إغتنم الفرصة أو إتركها
 

السلام عليكم


إخواني نزول السوق طبيعي جداً ولا فيه أي مشكلة وخلوني الحين من أسباب النزول المالية وخلونا في أسباب النزول النفسية


الحين أنت موظف وأنتي موظفة والعيد قاب قوسين أو أدنى وتبون تلبسون وتبون تسافرون وفيه ناس عندها إجازة بعد العيد يبون يتمشون فيها


بالله هالكلام ذا ما يحتاج سيولة ؟؟


والسيولة تجي من بيع الأسهم حتى تنزل في محفظته حتى يمشي أموره


ذي من ناحية ومن ناحية ثانية وقت العيد راح يتوقف السوق ممكن أسبوع منها وحول والكل يصير خايف خص الكبار لأن ممكن تصير تقلبات وأحداث مفاجئة لذلك يحاولون يطلعون ببعض أو كل السيولة حتى لو صار شيء يكونون آمنين من اللي صار




يا جماعة الخير الدعوة تراها بديهيات وتفكير في مجرى الحياة تعاملوا مع الأسهم بإدراك كامل مش تغييب للعقل وقراءة وتنفيذ التوصيات بدون تفكير




واللي عنده فلوس ومش محتاجها يعني مخصصها للتجارة ما فيه أحد ما يحتاج فلوسه

ينتظر العشر الأواخر بيصير هناك نزيف داخلي في السوق سواء اللي يبي سيولة واللي بيطلع قبل يقفل السوق

هنا إن شاف فرصة على سهم معين يدخله بأقل من سعره الحالي وأقول إن شاف فرصة والسهم يستحق المبلغ المدفوع فيه مو بس شافه نزل ريالين ثلاثة قال بس السعر مغري




خاطرة مالية من خواطري المعتادة لكم في المنتدى

ههههههههههههه ... اعجبتني بساطتك في التحليل .... بس ترا السوق اعقد بكثير .. اي ملابس اي تمشي ... في ناس ماسكين السووق ويوجهوونه وفق مصالحهم وليس وفق معطيات اقتصاديه .

[COLOR="Red"][B]اتاريك ما تدري عن فلووووووووووووووووووس الجماعة لوووووووووووووووووو تقعد اسنين ما عديتها
السيولة متوفرة بس هناك يد خفية لعينة تريد قصم ظهر الناس و تجعلهم تحت التحت


اللعب هنا للكبار فقط [/B][/COLOR]

الأسهم مو معادلة نووية


الأسهم عبارة عن سلعة تطلع في وقت معين وتنزل في وقت معين وصاحب الحرفة يعرف في حرفته


بس ترى كلما سهلت تحليلك وخليت تحليلك بسيط كلما فهمت وكلما عقدته تعقد وياك أكثر




إفرض إنك بتسافر وماسك خط طويل


التحليل البسيط / تشيك على موترك وتتوكل على الله والله يحفظك ومرتاح نفسياً

التحليل المعقد / تقول طيب سيارتي مضبوطة بس إفرض لو تسلخ كفر مثلاً أجل بأخذ كفر إحتياطي بعدين تقول طيب لو إنسلخ الثاني وش أسوي تقول آخذ كفر ثاني إحتياطي تقول طيب إفرض لو إنطلق السير تقول آخذ سير تقول طيب إفرض لو مثلاً تعدينا محطة بنزين ونسينا تقول بأخذ معي جالون إحتياطي تقول طيب إفرض إحتجنا للجوال وما فيه إرسال تقول على الأقمار الصناعية


وتقعد تفترض لدرجة تكره السفرة ذي وخايف منها ومتعقد وحالتك حالة وتحسها هم عليك لين تخلص منها

عيبكم الوحيد إنكم شكاكين وما عندكم ثقة


كل شيء عندكم مؤامرة وكل شيء عندكم مكيدة وكل شيء عندكم مو بلاش أكيد ورى النزول أو الصعود سر


إن نزل قلتوا إمسكوا أسهمكم لا يخفونكم وخسروا الربع وإن طلع قلتوا تراها حركة قديمة والناس بتصرف بس بيعوا بسرعة وباعت الناس ولا فرحت بالربح



المؤامرة موجودة وويل لمن أكل أموال الناس بغير حق ولكن مع ذلك فيه شيء إسمه تسلسل أحداث

وين اصحاب المليارات اترك الصغار


معروف ان سيوله الصغار لاتطلع الا مع ارتفاع المؤشر فقططقط:(

'طفشونا الله لا يوفقهم ؟؟؟

وجهة نظر يجب إحترامها
يعطيك العافية

كلامك صحيح اخوووي لان اكثر المتداولين من اصحااب الدخل المحدود يعني لو قلناا 10000متداول كل واحد يملك 100000 على اقل تقدير شووف الرقم اللي يطلع عندك رقم مدني ههههههه
المهم مثل ما قلت كثير منهم يحتاج سيوله بالعيد مصاريف وكذاا والسبيل بيع كمية من الاسهم فيؤدي هذا الى انخفااض السيوله وبالتالي انخفااض في السووق

رمضان (قبل الماضي) قبل الأزمة.. دخلت في آخره سيولة عالية جدا وأخذ المؤشر يرتفع ودبلت معظم الشركات أسعارها ( كيان اللي كانت بـ 12.5 وصلت في ذلك العام 2007 بـ 35 ريال )
لماذا لا نطبق ما قلته ( أخي العزيز) على ذلك العام ؟