منتديات تداول - الى كل المتمظهرين بجوالاتهم!!

إلى كل المتمظهرين بجوالاتهم)
مع احترامي للذين يستخدمون الجوال فيما وجد له

ماسك بيدّه جوّال ،
شايفٍ نفسه ومدري وش عليه ..
ماتقول انه رجّال ،
من تواصيف البنات اللي عليه ،
كل همّه مظهره ..
ماسك الجوال ، مدري هو يكلم ..
أو لزوم المظهره !.
* *
رافعٍ خشمه ولا ودّه يسلم ،
وان مرّ كل الناس يمّه ، مايهمه ..
طبعه غريب ، يحسب انه مثل جواله عجيب !..
والا يحسّ انه رهيب ،
وياثقل دمه ، خصوصاً لو ينكّت ،
وين تلقى له ولامثاله مسكّت ؟
* *
ومن زود الفهامة ،
يحسب انه بالرقم يصبح مميّز !!
واغلب كلامه:
( أعرف أنا واحد مهم .. يقدر يطلّع لك رقم ! )
ولاّ يجيك بفرحته ودّه يطير ..
( وش رايك برقمي الخطير ؟
صفر ، خمستين ، أربعتين ، ثلاثتين ، .... )
طيب ، وبعدين ؟
* *
ماسك بيدّه جوال ، وفاضيٍ بالحيل باله ..
( أنت كلّمني ضروري .. وانت ارسل لي رساله )
عايش بوهم المظاهر ..
والتكبر فيه ظاهر ،
ترحمه لا شفت حاله

................ مع حبي وتقديري