منتديات تداول

منتديات تداول (http://www.tdwl.net/vb/index.php)
-   اســــتراحـة الــــمســاهــمين (http://www.tdwl.net/vb/forumdisplay.php?f=16)
-   -   هل اخبرت معارفك باسمك المستعار ..وفي اي منتدى تكتب؟؟ (http://www.tdwl.net/vb/showthread.php?t=761)

عاشقة 13-06-2002 02:59 AM

هل اخبرت معارفك باسمك المستعار ..وفي اي منتدى تكتب؟؟
 
سلام عليكم...

طبعا في المنتديات..يحلو للشخص ان يستمتع بالكتابه..
وفي المجالات التي يجد نفسه فيها...

حتى انه ربما لايجد شخصيته الحقيقيه الا من خلال الكتابه بالمنتديات..

سؤالي الان..
احححح عورني لساني وانا اتكلم فصحى..
ماش موب لابق..:p

المهم..هل اهلكم ومعارفكم يدرون انتم وين تكتبون؟؟
ووش اسماءكم المستعاره؟؟
وهل يتابعونكم؟؟؟


انا بالنسبه لي حصلت لي مواقف كثيره بهالموضوع..
اول مادخلت النت وكنت عليميه..
كنت عادي اعلم صديقاتي وزميلاتي..
شوفوني تراي انا فلانه بمنتدى علان
ويقرون وعادي..فرحانه حضرتي

مع انهم كلهم يكتبون ومدري وش اسماءهم:confused:

بس عاد الكماخه-وقاكم الله شرها-قولوا امين


المهم مره انا كنت مريضه بالمره
فيني انفلونزا بسم الله علي
واخذت من المستشفى اجازه مرضيه..3 ايام..

باليوم الثالث الصبح..تشافيت الحمدلله شوي..
ورحت لجهازي وتسندت بعشر مخاد(الله لايفتننا الا بطاعته)
وفتحت على منتداي اللي اخربط فيه وكتبت موضوع اسمه..اجازه مرضيه..

غير اللي كتبته هنا طبعا..
كان عباره عن سواليف وخرابيط وخذاريف خذرفتها خلال اجازتي المرضيه

وكان على الخط اعضاء كثيرين بنفس الوقت..
فالموضوع صارت له ردود كثيره واخذ يمكن ساعتين مابين كتابته والترديد على الناس..لمين هلكت ورجعت لفراشي ثانيه..

المهم<--مابغت تجي ذي..

يوم رحت للشغل من بكره..
وانا يالله اشيل رجليني واعرج(مدري وش دخل العرج-بس لزوم التمثيل عاد)
وصاكه عين وفاتحه عين-من زود النصب

واروح اباوقع على دفتر الحضور..
ووش القى مدبس عليه؟؟ ؟؟؟

طرررررررررررررررم












طررررررررررررررم



القى موضوعي اللي امس كاتبته وانا يقاللي غايبه مريضه ماقدر اجي للشغل..
والقى مديرتي وراي تقول..
بسم الله عليتس يامرفت(ابوك يالتمويه)..عساتس تشاويتي؟؟
اشوفتس تدهرين طول امس الصبح على النت:mad:

وانا خلالالالالالالالاص بي الصيحه من الفشيله..
بس بالاخير فقعت من الضحك..
وضحكت معي الاخت وعدا الموضوع على خير..:D

وفيه مواقف ثانيه..
بس اني تعبانه وجاني النوم الحين...


يللا هاتوا اللي عندكم..

تداول 13-06-2002 03:16 AM

هههههههههههههههههههههههههه

والله تقطعت مصاريني من الضحك يوم قريت هاللي كاتبته

اشوفك كل ما كتبتي شي تخافين ان المديره تقراه .. اثرك تعلمينهم وين تكتبين واسمك بعد ...:D

بسم الله عليتس يا مرفت ، بعدين وشي طرررررررررررررم :eek:

الله يكفينا شر الكماخه

بنت ابن خيخي 13-06-2002 05:24 PM

طررررررررررم=موسيقى تصويرية للتشويق..
 
(يعني اني اعرف استعمل مؤثرات خارجيه)

هذاك اول اللي اعلمهم ياراعي الكرسيدا..
الحين يقالي تذيهنت شوي..
بس ماش مسوينن لي عقده نفسيه,,
كل ما ادخل اتلفت اغديهم متغبين ورا هالموضوع والا ذاك..:(
مع اني ادخل لابسه بالطو طويل ونظارات شمسيه اكبر من وجهي وقبعه..
<----ناس متاثرين بالافلام

بس بالمنتدى ذا مايعرفني الا حبيبة الB العنود.-الله يستر ماتبتزن بعدين اذا خلصت قروشهم..علشان ماتعلم علي..


على فكره عقب هالموقف ومواقف مشابهه قررت اني لو اموت ما اعلم احد من انا..
فكان لي موقف ثاني بعد..

<--تبي تبتل ذي..

تعرفت على وحده من الصديقات في منتدى ما..
وكنا نتكلم على المسنجر فوق السنه لا انا اعرف اسمها ولاهي تعرف اسمي-على الرغم من اننا كنا نعز بعض الى ابعد حد - وكانت هي بامريكا تدرس ذيك السنه..
يوم جت للرياض قالت خلينا نتقابل ونتعرف من صحيح،، بالمكان اللي تختارينه..
واسولف على صديقاتي بالشغل..
قاموا يخربطون علي..انتبههههههي:mad:
لاتروحين تقولين له اسمتس والا شي..
بعدين اذا تطاقيتوا تروح تعلم كل المنتدى حقكم انتس (فلانه العلانيه)-
الله واكبر ياباسكال مشعلاني..
لانه منتدانا كان منتدى مدينه معينه وكلن عارف الثاني وكم عنده بنات وعيال ووين يدرسون ومتى ينامون وخربط بربط..
ويموتون ويدرون من انا..(لقافة قصمان)



المهم رحت اقابل هالصديقه- وواعدت اختي تروح هناك تجسرني-بس وصلت قبلها..
وشفت البنت وسولفنا وتو البنت تقول لي وش اسمتس ماعلمتين؟؟
وانا اتميلح اقول-ماله داعي-وشو له؟..:o
والاه البنت اللي معي تشهق وتناظر ورا ظهري- وتقول فلاااااااااااانة:eek: (اسم اختي)
واختي تقول فلاااااااااااااااانة:eek:

واثرهم صديقات ويعرفون بعض من الابتدائي الى الثانوي:confused:
(احلى يامتنكره انتي يامرفت)<---انا مرفت يقالي

عاد المين الحين تذلن صديقتي بهالقصه-

المتفائل جدا 13-06-2002 07:49 PM

بصراحة....حلاوة (النت) ان ماحد يعرف احد ..

ومع ذلك كثير اللى يعرفونى ..وما صادتنى مشكله زى المحظوظة بنت ابن خيخى

بنت ابن خيخي 14-06-2002 01:46 AM

على طاري بنت ابن خيخي
 
<--انعطت وجه بزيااااده..
اباقول قصة ثانيه بس على شرط تقولون انتم بعد:mad:

المهم كنت انا وصديقاتي نكتب كلنا بمنتدى واحد
وكنا كل مانجتمع ماغير سواليف عن الموضوع الفلاني-والعضو العلاني.
وصار وماصار بهالمنتدى..
(ايام طفة الناس بالمنتديات)

المهم وكانت معنا وحده -تنرحم,,
عنده اشتراك بالنت -لكن ما اقتنعت بفكرة المنتديات..
فهي اذا جلست معنا تمل الى ابعد حد:o

قمت انا من كماختي..اباقتعها توسع الصدر معنا..
وكان اسمي بهاك المنتدى (بنت ابن خيخي) وبنيت لي سمعه زينه
وصرت مشرفه وحاله..
قلت لها خوذي اسمي وباسووردي وجربي-ان جازت لك السالفه سجلي..
والا يادار مادخلك شر<--تاثير التمثيليات يتجلى بوضوح بهالمثل..:D

المهم واجي بكره افتح المنتدى
والقى عمتنا منزله مواضيع سياسيه من العيار الثقيل-باسم الضعيفه (بنت ابن خيخي):(

وانا خلالالالالالالالاص اباصيح-انقهرت..
عاد عقبه -على طول هجيت من هاك المنتدى-واسفابه:(

الله يستر ما اصير مطاردة المين الحين من ال FBI بسبة هالاسم


وصدقت يادريحم السماثا يوم قلت :-

[COLOR=blue]لكل داء دواء يستطب به ******** الا الكماخة اعيت من يداويها[/COLOR]

المتفائل جدا 14-06-2002 01:52 AM

سين سؤال

هل الطيبة = الكماخه

بنت ابن خيخي 14-06-2002 01:56 AM

والله للاسف بهالزمن ايه..
 
وتوني اكتشف هالشي:(


الساعة الآن 02:17 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.