منتديات تداول - (((((بايس))))

باريس
طلال الرشيد(الملتاع)

وش هو هذا الشانزليزية؟
هذا شارع رايح جاي
بأول هذا الشارع قهوة
فيها كل شياب الربع
كل واحد يشرب من نبع
واحد راجع غصب للهوه
وواحد يقرأ (القدس)( معارض)
يشتم كل أمة وما تهوه
وشايب لاهذا ولاهذا
لاعقل وقلب ولا شهوه
أم عياله جابت راسه
غصب يوديها لباريس
يمكن تلقى البنت عريس

**********************

والبنات
آه .... يالبنات
ابو فلان ... ايش فيك؟
ي أم عيالي صاير شئ
صاير لبس البنات شوي...
وعينك ما تقدر تمنعها
ومن ضيق هدوم البنات
تحلف أن الملبوسات ..
للاخت الاصغر منها
ومن كثر المكياج الخادع
شفت بعيني ...شي ما شفته
شفت فلان يغازل اخته

*********************

وأنت وش تسوي يمناي؟
أنا مع هالناس خطاي
يوم يتحقق لي مناي
ويوم مـ لقى حد حداي
لكن من حبي لهالشارع
دايم ودي اني اثنين
واحد رايح ... وواحد جاي

*********************

وعيال الديره ... اسم الله آيه
كل واحد جهز له حكاية
كذبة عــ البنت المسيكينة
ضحكة .. وقصيدة .. وسكينة
بجيب مشط .. وجيب مراية
يمشي ووراه الحماية
مو حبيب أمه مهم
واحد ... ويسوى امم
لازم نأمن عليه
يمشي من خلفه عبيد
يمشي قدامه علم

****************************
وواحد خايب .. حظه تعيس
سافر تقسيط لباريس
كذب على أم العيال
رايح ادور عمال
جمع الورث
وحصاد الحرث
وقبل يسافر يا سادة
سجل في نادي كالعادة
يسوي برنامج تخسيس

******************
قام يدور شنطة تكفي
وكل هدومه قبل يصفي
عشرة فنايل علاقي
وشورت وشراب ما قيس
قالت أم عياله تكفى
خذ لك لبس شوي يدفي
قال فـ باله يامسكينة
قدامي اللي يدفي
قام يودعها وقالت له
خذ بالك يا نور عيوني
وتعوذ دوم من ابليس
قال فـ باله يامسكينة
وأنا من ناطرني غيره
ناطرني ابليس فـ باريس