هذي قصة واحد يشتغل بالاستعلامات
 

هذي قصة واحد يشتغل بالاستعلامات

الـــــــــــــــلــــــــــــــه يكووووووووووون في عوووووون هذا الموظف...
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:



المكالمه الاولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالظبط .
المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .
المواطن : اقول والله ماعندك ماعند جدتي بس .
طوط طوط انقطع الخط




المكالمه الثانيه : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
الموظف : بيموت من الضحك بس ساكت ... طيب خوذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط




المكالمه الثالثه : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه)
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي .
الموظف : يخرج من طوره ( اقول اسمع ............. طوط طوط قفل الخط




المكالمه الرابعه : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
الموظف : طيب خوذي الرقم ؟؟؟؟؟؟؟؟؟؟؟؟؟




المكالمه الخامسه : كانت صوت ناعم اوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولاده .
الموظف : كيف ..؟؟؟؟؟
الصوت الناعم : مستشفى العيون للولاده .. تسمع يا اصقه .
الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .




المكالمه السادسه : كان صوت ناعم.. بنت
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها .
الصوت الناعم : ماهي زينه ... مايبيعون الا فقس ..
طوط طوط انقطع الخط .



المكالمه السابعه : كانت فتاه ايضا
الموظف : الو ..استعلامات الدليل محمد الــ......, مرحبا
الفتاه : عيوني.
الموظف : بلا هالكلام ايش تبغين .............(عشان المكالمه مراقبه).
الفتاه : لا انا ابي محل عيوني للعدسات والنظارات اللي في التحليه .
الموظف : ايش اسمه عيوني.
الفتاه : لا مو عيونك عيوني انا ياعيوني .
الموظف : خوذي رقمه ؟؟؟؟؟؟؟؟
الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون .

الموظف طلع وترك الدوام (مسكيييييييييييييييين

الله يعينه
طيب هم ليش مايخلون عند الموظف زر يقفل التسجيل اذا ارتفع ضغطه ويتكلم برحته :)

اضحك الله سنك لمسات
:)

واعان هالموظف
ــــــــــــــــــــــــــــــــــــــــــــــــ

حصل معي موقف اسمح لي بذكره اخ لمسات

قبل اكثر من سنه اتصلت على استعلامات الدليل

وطبيعي يعرف بنفسه الموظف

ومن سمعت اسمه وصوته وفر علي الكثير فهذا الشخص اللي ابيه يشتغل بالاستعلامات

وقلت له وانا اضحك ابي رقمك :)

كله كوم ومستشفى العيون للولاده كوم ثاني
تشققت من الضحك

يا طول صبره هالمسكين , الله يعينه بس اذا هذا هي عينات المتصلين عليه .
قال مستشفى العيون للولاده ههههههه والله حاولت اركبها وابرمجها ما جت معي على سنع ابد.
الظاهر انها للنساء التي تولد وهي نظرها ضعيف ولا عمياء مثلا .
مشكور ابو مشاري

شكرا لك اخي لمسات.

بصراحه أضحكتنا أضحك الله سنك............ومشكور على المشاركه الطويله الخفيفه

تحياتي للجميع,,

من جد
 

اذهب الله بلائك وازال كربتك قسما تفقع من الضحك (شكلك تلمح للاتصالات ) فاهمينك ابو مشارى(راح بعيد):D