امثال مضحكة
 

الأول



- رضاح العبس (أو الفصم في بعض اللهجات)



===> يعني نوى التمر لغير الناطقين بالسعودية.



- قصة هالمثل انه كان فيه واحد ماله شغل إلا طحن العبس (أنت يالنوى)في النجر حتى ليته طاحونة كهرب بعدين يرميه اذا طحنه بس كذا لكاعة الله لا يشقينا ويوم طحن خمسمية طعش ألف عبسة (يعني فصمة اوف ببتل اشرح؟) وبقت وحدة مسكت معه وخذاها ورماها وقال فاضي ما حدني الله



===> بدري جت على ذي بس؟



- ويتقال المثل للواحد اذا مسك خط في مشروع عشان يكمله للأخير ما يهون إذا قرب يخلص ويرجع بكلامه.





الثاني



- هج اثمك يرزقك الله



- اول شي (هج) معناها افتح بقوة كخخخخخخخخخخ

هج الباب هجا والباب مهجوج/ و(اثمك) يعني فمك



- هذا ينقال لشخص كان كل ما اهتزت ميزانيته راح ألـّف له قصيدة مدح في فلان وعلان يسترزق بها.



- معناه انه شعر مصطنع مش من الألب للألب لا هذا أي كلام مثل أكثر القصيد هالايام للأسف اللي في الجرايد ولا بجيحين بعد يحطون عناوينهم بعد



- ===> حطو ارقام حساباتكم اسرع واسهل ترا.





الثالث



- ينعاف الرز من تلبيده



- والله هذا صاقت جدتي علي وقال لي عسى ماشر عسى مايحدث بتس؟؟؟ ماتعرفين الرز؟ قلت إلا طال عمرك قالت خلاص انهجي اللي بعده



- ===>جتها مكالمة وبتصرفني.



- الشكوى لله أنا رحت للي بعده وانا ما اعرف الا ان الرز اللي يتلبد يعني يتعجن ونسوي به كور كخخخخخخخ تذكرت اول ايام الطفولة اذا مابغيت رز لعبت علي امي وعجنته وعملت لي اياه كور وقالت لي هذي طبخة جديدة مب الرز اللي انتي خابرة اسم الطبخة رايسبول وانا بيني وبينكم ملكعة بعيد عنكم عارفة بس ابي آكل ومسوية كرامة واسوي نفسي غبية عشاني جوعانة ولا لو شبعانة ماعديتها. واحس تنقال للواحد اذا بدا يبربس ويحوق هذا والله أعلم.





الرابع



- ماصدقتو بي حومو بي



- هذا ينقال للطفل اللي جا لأهله بعد جهد جهيد يعني ولد شفاقة (ايه يحق له يتشرط مب حنا الله يخلف علينا) ولسان حاله يقول احمدو ربكم اني جيت بعد لا تحطوني على الارض ابتلو شايليني دوروبي (نسيت اقول لكم ان حومو يعني دورو ).



الخامس



- يكبّرونXXXX (عضومن اعضاء الجسم) بالخرق (وبالخلاقين في بعض الروايات)



- الخرق معناها قطع الأقمشة القديمة كانو يستعملونها في حشو بعض المناطق لتكبيرها ويغشون الناس عشان يحسبونها حقيقية.



- تنقال للناس اللي يحاولون يلبسون ثوب مب ثوبهم وينطون لطبقة أعلى منهم على بالهم محد بيدري مساكين مايدرون ان اشكالهم تطلع نكت ماتركب عليهم هالحركات والطبع يغلب على التطبع



(طبعا الرقابة حذفت كلمة في مدينة الملك عبدالعزيز... يقول لي الوصول إلى هذه الكلمة عير مسموح)





السادس



- بعيرصي ابراهيم



- يقال انه فيه برصي (ضاطور أو ابو بريص او بعرصي أو وزغة اللي تبون بكل اللهجات) يقال في بعض الروايات والله أعلم انه كان يجمع اعواد صغيرة ماحقر عمره وينقلها ويرميها في النار اللي كانو مولعينها بيحرقون سيدنا ابراهيم عليه السلام يبي يولع النار هو ووجهه (طبعا هذي مقولة مدري مدى صحتها وللمعلومية فقط نفس مصدر المقولة يقول ان السحلية كانت تروح للغدير



===> ايه صح مسلسل بدوي دير القهوة يا محماس



يوه طيب تروح من بعيد تجمع مويه بفمها وتكب على النار تحاول تطفي) والله مايلعبون ذالحشرات. المهم ان هالمثل ينقال للنجس اللي يعين على الشر وما تتوقع منه هالحركات من تحت لتحت.





السابع



- كل يومن يا حمد باتسر



- قصة هالمثل غير واردة في مراجعي

===> قولي ان جدتك قامت قبل تسألينها



اتوقع انه واحد اسمه حمد مواعد وحدة يخطبها ومعطيها ركبة وساحب عليها يتغلى عليها ويماطل ويقول بكرا مب اليوم

===> عليك تفكير واستنتاج مدري وش يبي اقول انثبري لاتكتبين لين تجي جدتك وخلي البربسة.



اهم شي انه ينقال للي يأجلون مواعيدهم كثير على وزن لا تؤجل عمل اليوم إلى الغد.





الثامن



- أطلقها وتفرش لي



- هذا فايحة كبدي منه هذي وحدة مسكينة تسمع بالكرامة... ما فيه كرامة طلقها زوجها بالنهار وراحت في الليل تفرش له فراش بزعمها تغريه عشان يرجعها!!!!!! أي إغراء يادبشة. ينقال للدبشة المتنحة اللي ممرمطة كرامتها على أشياء ماتسوى.





التاسع



- حر وبق وقبلان معرس



- هذي وحدة بس غير الوحدة اللي فوق

===> بلا تمليح تراك طولتيها



===>طيب

- هذي دبشة أعرس عليها رجلها

(أنت يا قبلان



===> الا يازعلانة عليه وهذا اسمه بالناقص)

- المهم ليلة عرسه كانت في عز الصيف والحر الله اعلم انه اللي يسمون طباخ التمر (والحديث هنا لجدتي طال عمرها) وسلط الله عليها الناموس (البق في بعض اللهجات اوالبعوض بس مب حق الملاريا اللي في كتاب العلوم



===> يادبشة درو انك أدبي



المهم تسلط عليها النامس في ذيك الليلة وكملت عليها حرانة ورجلها معرس عليها وذبحها النامس . ينقال اذا تجمعت عدة مشاكل او مصايب في نفس الوقت.





العاشر



- غامضه عشاه وموجعه بطنه



- هذا فيه روايات بس نفسر بعض المصطلحات اول:



- غامضه مب غامض اللي هي مبهم لا غامض يعني غامض

===> احلفي؟



طيب غمضني الشي غميضةً يعني تحسّفت عليه نفسي فيه ومتحسفة فيه بس خلاص افحمتوني وانا اشرح.



- المهم الرواية الاولى تقول انه واحد فقير مسكين ولقى وليمة واكل ودف في ذالاكل وبلع وبلع لين انتفخ وماعاد قدرت تسبده تحمّل (والحديث لها طال عمرها) وكل ما جا يرجع (يعني يستفرغ او يطرش بالعربي) يهون متحسف حسوفةً بالنعمة.



- اما الرواية الثاني تقول انه نفس الشخص بس ما بغى يطرش هالمرة بس انه شبع عالاخر ومتحسف بالاكل الباقي ومحتار.



- تنقال طبعا للشخص اذا كان في حيرة من امرة.

منقول من بريدي

الرابح
 

يعطيك العافية وجزاك الله خير

ومن قال