الجح يدربي القرع...
 

سلام عليكم...

نزولا عند رغبة الكثير من القراء المتابعين ...
(لاداعي للتصفيق)a1

نبغى نسوي موضوع عن الامثال العاميه الشائعه ومعانيها...
وكل واحد يجيب اللي عنده..
موب بس انا..


اول واحد اليوم بنشرحه
<---يعني اني ابلا

[COLOR=blue]الجح يدربي القرع[/COLOR]

وهذا من امثال منطقة القصيم..:D احم احم...

الجح=الحبحب او البطيخ او نوع من الفاكهه كبيره وتباع بالوانيتات بعز الحر..
وهي من داخل حمرا اللون وبها حبوب سوداء اللون...وهي لذيذه الطعم..

يدربي=يدفع او يدف دفا(وليس طبلا)-وتستخدم عند دفع الاشياء المستديره
يقال (جاء دريحم يتدربى- يعني كناية على انه سمين وكالكره وضائع المعالم)

القرع=خضار برتقالي كبير يوضع في المطازيز عندنا ويسوى به الكيك عند الامريكان...

الشرح للمثل:-يستخدم المثل هذا اذا كان شخصين كل واحد (اقل معرفه بالشي من الثاني) و يتعاونون يقالهم..

مثال..
<--بعض الناس في اول موضوع لهم رحبوا بعضو جديد اقدم منهم مع انهم هالناس جديدين
يعني الجح يدربي القرع-كلنا اصلا جديدين وشلون انا ارحب فيه وانا زيه..

(اللي فاهم شي يفهمني):confused:


اللي اللقاء في حلقه جديده مع (في كل يوم مثل):D

ولويحصل تشاركون انتم...ياليت...
تراي استحيa1

بدون لا احم ولا دستوووووووووووووووووور
 

<===========داخله عرض وبقوة:D

الجح يدربي القرع؟؟؟؟؟؟؟؟:mad: بالله هذا عنوان وحدة توها مسجله جديد؟

<===ماقلت لكم انه داخله عرض

المهم اختي عاشقة انا عضوة جديدة ممكن تتوسطين لي عند اهل البيت عشان يرحبون بي<====يابغضيل هالكلمة(انا ضيف جديد رحبو بي:mad: )


ومشاركة مني يا اخت عاشقه بس عشان يعني ماتزعلين شكلهم محد عطاتس وجه:cool:

مثل قصيمي بعد يقول(ياااااااااابقتن بالدعيسه)
يا حرف او اداة مناداة.........<==تراه الله بالخير بالقواعد يعني لاتدققون
بقة=نامس ..بعوضه.........
با.........الباء .........حرف جر وصوت صياح العنز...........a3
الدعيسه= يقال انه قرية او مدينة صغيرة ريفيه
والغرض من المثل...........لتصغير شأن شي او للتحقير .........أكيد مافهمتو! طيب اجيب مثال.....بس ما اعرف احد بهالمنتدى اضرب به مثل:rolleyes:
مافيه غيرك يا عاشقةa1 ....(العاشقة ياااااااااااااابقتن بالدعيسه)a1

نعم شكرا اختي العنود لمداخلتك الثريه..
 

(ياناس والله اني ذوق):)
وهل هو يمت بصلة للمثل القائل..
[COLOR=blue]مادرينا عنك يللي بالظلام تغمز؟[/COLOR]

تمااااااااااااام ....ولع المنتدى

انا بارتاح واخليهم يدربون بعض (الجح والقرع)...بس على شرط لايضربون بى المثل الثانى
...............................................................................................................
مثل...(نبى نبيد المال لاهو يبيدنا .......لاهو يجى للمال (هر) يبيده ) طويل !! اذا ماتعرفون سالفته ... قولولى وترجونى اقولكم

اشوف السنبوسه قامت تدور من اليسار لليمين....هاههاههاهاه
:timsah: :deak:

جح وقرع

انا لله...لازم يجي طاري الاموال بكلش تقولونه؟؟؟
 

ياخي راعي النفسيات شوي..
<----وحده صاحت...


وترا مايصلح احد يحط مثل من غير شرح..
ولكن اتخيل انه شرح مثلك هو كالتالي:-
وحده حرمه رايحة للسوق ومعها قروش..تقول نبيد نبيد المال لاهو يبيدنا..:D

يعني نخلص قروش ابونا بهالسوق -لايقعد يروح يصرف القروش على غيرنا..:mad:


(يعني اني فاهمتكم)a2

(سنبوستي متجدده (شاريتها من الحراج على اربع ريال ايام العز)
بالليل تلف يمين وبالنهار تلف يسار..
حركه;)

يا شباب يا حلوين ...لابد من وضع عناوين موحده لكي يدلي كل الاعضاء بدلوه ورايه الشخصي في الموضوع المطروح لكي تعم الفائده للجميع ويا ريت نحاول نستخدم اللغه الفحصى لانني لست من القصيم الحبيبه واحتاج الى مترجم لبعض المصطلحات اللغوية القصيميه ...ارجو ما احد يزعل من الاعضاء القصمان ذكورا واناث على حد سوى ...تضل القصيم ارض الكرامة والشهامه .تحياتي واعتذاري ..

سلام عليكم..
 

اخي الكريم mr.ksa
شاكره لك تفضلك بالرد,,
ومانستغني عن رايك..

لكن بالنسبه لاسم الموضوع...انا حبيته يكون مميز شوي..علشان يكون اكثر جاذبيه للقراء في غرابته...

اما بالنسبه للهجه القصيميه..
فان الغرض اخي الكريم من هذا الموضوع هو التعرف على الامثال (العاميه)
لدى مختلف مناطق المملكه...

ولانني من اهل القصيم...اختارت هذه المثل..:)

ارجو ان تتحفنا بمثل من منطقتك اخي الكريم...
حتى يكون فيه شوي تبادل ثقافات..:cool:

وتقبل تحياتي..

تلبية لرغبات الساده المشاهدين ولانه لم يسألنى احد سوف اخبركم بقصةالمثل(ياليت الفقعسي صلى ولا صام)...اقصد(..نبى نبيد المال لاهو يبيدنا ...لاهو يجى للمال هر يبيده)
قبل لاابدأ اقول لعاشقة القصيم (تحليلك للمثل احسن من القصة )
اولا القصة قديمة جدا( ايام كان الحصى يحكى) يعنى منذ مبطى والسلام
كان فيه رجال جلدة قعيطى بخيل ..خرج فى احدى ليالى الشتاء الممطرة الباردة وضل الطريق وكاد ان يهلك من الجوع والخوف(هاه جاكم النوم )لسه بدرى.....فوافى رجلا خارجا من خيمته لامر هام فسلم عليه وتعرف عليه وكان اسمه( (الهر) واركبه معه على مطيته - مطية راعى الخيمة- لان ذاك بخيل ومهوب كفو يشترى لنفسه مطية-المهم ومالكم فى طويلة حاجة- اخذه معه للبيت وشب هاك الضو وقام يقهويه الين زهب الاكل وتعشى وشبع وحس بالدفا لان( الهر)عطاه فروة وكمبل عشان يدفى وجاه النوم والله ويطقها نومة الين اصبح الصبح
ويلقى القهوة الزينة والفطور الطيب....وكل علم غانم ..اااه ...الحين قعد الرجال البخيل يفكر بهالرجال الكريم ....قال:ليش مااسئلة عن هالكرم اللى فيه(وكلمة تستحى منها بدها ....وهو اصلا مايستحى.. قام واسئلة ...ايه وش قاله الكريم
قال: انا مانى كريم ولا مايحزنون انا رجال تزوجت لى وحدة توفى عنها زوج بخيل قعد يجمع فلوسه الين مات وورثته هالمرأة وتزوجتها وانا كريم من حلال غيرى
.......اها... على طول صكت الكلمة راس البخيل ومير ويعود لزوجته وعيالة ويمر السوق قبل ويشترى ارزاق بكميات كبيرة واوانى منزلية(ميقعه مولينكس ومصواط براون ومهفه وغير ذلك من الخيرات حتى ان زوجته طردت الحمالى اللى يشيل الاغراض وماصدقت حلوفه الين وصل زوجها ودخلوا الاغراض...وهو يقول (نبى نبيد المال لاهو يبيدنا لاهو يجى للمال هر يبيده...........وكملت وحملت و....عورنى راسى ماعاد اتعودها iconv :602: :901: :614:

وانا اقول وين المتفائل جداً اثرك هنا قاعد تسولف ..