لقد قررت الإنتحـــــــــــار بسبب الأسهم .. أقسم بالله أنني صادق في كلامي ..!!!!!
 

[center]السلام عليكم[/center]

أولا ً : أرجوا من المشرفين عدم تحريف الموضوع أو حذفه أو تغيير العنوان او ماشابه ذلك ... فأنا في حالة نفسية لايعلم بها الا الله من هذه الأسهم وأرجوا من اخوتي ان يخففوا عني مصيبتي أرجووووكم فليس لي بعد الله سواكم

ثانيا ً سأسرد لكم قصتي كااااااااااااملة منذ دخولي الأسهم حتى الآلآلآلآلآلآلآلآلآلآن

أنا دخلت الاسهم قبل ثلاث سنوات تصدقون ........ قسم بالله اني يوم ادخل كانت سابك بسعر 300 ريال وسافكو والتصنيع وشلتهم كانوا بــ 130 - 150 ريال ...... الخشاش على 30 - 50 ريال ....... الزراعيات على 20 - 30 ريال .... قسم بالله من يصدق

ياجماعة الخير والله من دخلت السوق قبل ثلاث سنوات وانا من تعليقة لخسارة ومن خسارة لتعليقة



قسم بالل اني كنت شاري صدق بــ 45 ريال وتعلقت فيها وبعتها بخسارة ..... وشوفوا سعهرها هالحين

كنت شاري ثمار قبل سنة بــ 107 وتعلقت فيها سبوع وبعتها بخسارة بــ 105

القصيم العام قسم بالله شاريها بــ 80 وتعلقت بها وبعتها بخسارة

نفسيتي تعبت والله ماتصدقون كله من ذالأسهم لابارك الله فيها ولا في اليوم اللي دخلناها فيه

ليتني مادخلتها ذيك الأيام عشان مااتحسف وتتعب نفسيتي
وش اقول وش اخلي خلوها على ربكم بس


صدقوني ياجماعة اني 24 ساعة افكر بحالتي .... ليش صار فيني كذا ؟

المفروض اللي مثلي اقل شي دابل راس ماله عشر مرات ... لأني داخل بوقت كانت فيه الاسعار ببلاااااااااش

وانا والله وانتم ماحلفتوني ان راس مالي ماتغير بل بالعكس خسران فيه مدري ليييييييييييييه ؟


وتلوموني لو تقولون ليش نفسيتك تتعب ؟

قسم بالله ماتصدقون ياجماعة الخير ......... اللي يشوفني من الزملاء والاقارب يحسبون عندي اقل شي مليونين او ثلاثة

وانا والله ماعندي الا الدجه ( اللهم لااعتراض على القضاء والقدر ) ..

دايم افكر بيني وبين نفسي ليش صار فيني كذا ؟؟؟ لييييييش ؟ ليش ماستفدت من هالطفرة اللي جت وبتروح وانا ماطلعت منها الا الفقر .......

لييييييييييش ؟؟؟ كنت احلم اول مادخلت الاسهم اني راح اكوّن ثروة ان شاء الله وراح اتزوج واكون اسرة وابني بيت والحمدلله هذي هي حياة الانسان في هالدنيا وحلمه الاول والأخير

لكن قدر الله وماشاء فعل

كل الاحلام تبخرت

آآآآآآآآآآآآآآخ يالقهر ......... قسم بالله ماتصدقون يجي يوم من الايام اكون بالسيارة راكب واشوف احدى ناقلات النفط وافكّر اني ادخل تحتها لكن فيه شي يمنعني لاادري ماهو ؟ اكثر من مرة على الطرق السريعة امشي الطبلوووووووون من القهر ...... واتمنى ينفقع كفر واموت ....... لكن ؟؟؟؟؟؟؟ الحمدلله


ارجوا منكم اخوتي في الله ان تجدوا لي الحل المناسب في حالتي وش اسوي تكفوووووووون والله العظيم تعبان نفسيا مرة مرة مرة مرة بشكل ماتصدقون ....

انا لو اني داخل السوق قبل 6 شهور والا قبل سنة مومشكلة

لكن قبل ثلاث سنوااااااااااااات والحال ماتغير ........ قمة الكوارث ؟؟؟؟؟؟؟


تكفوووووووون ياجماعة الخير شوفوا لي حل ؟؟؟؟؟؟؟

الله يرحم واااااااالديكم وش اسوي بحالتي ....... والله اكثر من مرة ابي انتحر بس اتراجع ......

قسم بالله منيب اكذب عليكم ......

تكفوووون

تكفون يامشرفين لاتحذفون موضوعي تكفون اب حل واللي يرحم واااااااااالديكم

حطوا نفسكم في مكاني

المسلم اخو المسلم يواسيه ويساعده

سااااااااعدوني الله يخليكم


تكفون اللي يقدر ينقل الموضوع لمنتديات ثانية له اشتراك بها ينقلها لعل وعسى انهم يساعدوني بمشكلتي

تكفووووووووون

-------------------------------------------------------------

[color=blue]((( منقــــــــــــــول حسب رغبة كاتب الموضوع ))) [/color]

[color=blue]والله يطمن قلبه ويعوضه بالخير إن شاء الله [/color]

لاحول ولا قوه الاباالله
اللهم عوضه وعوضنا خير
ارجو من الاخوه الدعاء له لعلها تكون دعوه استجابه

المشكله في هذا انه بخير وصحه وهو مهو داري

هذا يقول خسران من راس ماله

يعني عنده مال والمال له

وكل شي ربح وخسارة

خله يتعوذ من ابليس ويتوكل على الله

اعتقد انه من المتسرعين

اللي يدخل في السهم بوقت غلط

ويزيد غلطه بالخروج منه بخسارة والدخول في سهم اخر في غير وقته ايضا والخروج بخساره وهكذا

مثل هذا قله احمد الله على نعمة الاسلام والصحة

ولا راح ياخذ غير رزقه اللي الله كاتبه له

تحياتي لك

لا حول ولا قوة ألا بالله


الله يفرج عنه ويفتح له باب رزقه

ويبعد الشيطان ووسواسه عنه

ويرزقه من حيث لا يحتسب

الصلاة ياخي بوقتها

والزكاه

وتصدق ترى الصدقة تزيد البركة في المال والجسم

وبعدين ياخي لاتشتري وتبيع على طول ترى الصبر زين وياما كسبنا منه

تابع الاخوة هنا بالمنتدى واشتر على مايقولة ثقات المنتدى ولا تبيع الا اذا حققت الهدف اللي تبيه

وفقك الله اخوي

[center][/center]



[color=darkgreen]لاحول ولاقوة إلابالله[/color]
[color=darkgreen]عليه بالصلاه مع الجماعه والصدقه والصبر[/color]
[color=darkgreen]أسئل الله لنا وله ولجميع المسلمين الرزق الحلال[/color]
[color=#006400]اللهم اّمين يارب العالمين[/color]

مكبر المواضيع الله يهديه


غيره لافلوس ولامخ يفهم ويشتري ويبيع


غيره غرقان في توافه الامور ... ويصرفون عليه اهله ولا زوجته بعد !!


يحمد ربه ومايدري متى يجيه الرزق


الله يرزق الطير اللي في السما ... مايدري بكرا لو يشتغل نسب الرجال

مايشتري سهم الا ويعطي نسبه

ويسمونه ابو نسبه ههههههههههه

لاحول ولاقوة الا بالله العلي العظيم

اسأل الله ان يهون عليك ويريح بالك ويرزقك طمانينة النفس وسكينتها

وان يبعد عنك وسواس الشيطان

اخي الكريم :

التصق بذي الجلال والاكرام وادعه بالليل فلن يخيب ظنك

توضأ وصل ركعتين وتأكد أن ماء وضوءك سيدخل الى قلبك ويبرده

ارفع اكف الضراعة لله وسيعينك بأذنه

لاتركن للدنيا ولاتكن هي اكبر همك ومبتغاك

اقبل الى زرقك وابحث عنه بدون لهث والحاح

واعلم أن ماأصابك لم يكن ليخطئك وماأخطأك لم يكن ليصيبك

واعلم ان الناس ومن في السوق لو اجتمعوا على أن يربحوك ريالا واحد والله لم يكتبه لك فلن يستطيعوا

فكن على ثقة من ربك والجأ اليه وخف عقابه ولاترمي بنفسك للتهلكه

الــصــدقة .... الصــدقة

اخي البرق



لماذا لم تفكر دخول [COLOR=Green]الصناديق الاستثمارية[/COLOR]

عليك بالامانة في البريطاني والرائد بسامبا وبحول الله ستجد الخير







والله يفرجها عليك ان شاء الله