|
أخوكم ... يبي حل مستعجل ..........
أخواني أعضاء منتدى تداول المحترمين
السلام عليكم ورحمة الله وبركاته هذي هي اول مشاركه لي معكم وأتمنى أن تقبلوني عضو معكم في منتداكم الكريم أخواني أنا من الشباب الذين يطمحون في أن يحققون أحلامه وأنا أن شاءالله أملي بالله كبير وأحب التجاره وأفهمه وأعرف أشياء كثيره بس عاااد الله يعني ماكل من بغى شيء يلقاه والحمدلله على عطائه والحمدلله على الصحه والعافيه ونعمة الأسلام . ياخواني أنا ودي أني أحقق طموحي وهو أن يكون عندي مشاريعي الخاصه بي وهذا بأذن الله ماسعى أليه ... فايأخواني علشان أوصل للي أنا أبيه لازم أتعب ولازم أتعلم وأنا جاي هنا علشان أستفيد من خبراتكم في هذا المجال وأنا كلي أمل أنك راح تفيدونني بأذن الله ... أنا الحين بادي حياتي من الصفر ((يعني ماعندي شيء بالعربي )) وأبي أبداء .. وأبي منكم تفيدونني بهذا الخصوص كيف أبداء .. ماهو الحل ؟؟؟؟ يعني وش رايكم أبداء أتوظف عند أحد يعمل بمجال التجاره ؟؟؟ وهل هناك أحد يوظفني ؟؟؟ أو هل أستطيع أن أخذ قرض من بنك أو من أي أنسان علشان أبداء مشروع ؟؟ أخوكم شاب طموح يتمنى من الله ثم منكم أعطائي نصيحه بدون تجريح يأخوان.. وترى والله أني صادق وأقسم لكم بالله أن هذا الي أفكر فيه ... مع أني داري أكثركم راح يظحك علي .... بس يالله على الله أني أجد من يفيدني وأنتم أكيد يهمك مصلحة أبناء بلدكم ... بدل من ان الواحد يساعد الأجانب في أنهم يأخذون عن فرص الشباب. |
الاخ الكريم
شاب طموح الله يوفقنا وياك لكل خير وبالنسبه للتجاره فهي متشعبه لعدة أقسام ولكن سأعطيك مجال له عدة مميزات أهمها :- 1- الربح السريع 2- العلاقات مع كبار البلد 3- لايحتاج لرأس مال المجال هو ((العمل في الوساطه العقاريه)) هاليومين للي ما عنده راس مال أفضل شي العمل في العقار , عمل لا يحتاج إلى رأس مال إذا ركزت على الوساطه بشكل جيد وخصوصا إذا كونت علاقات جيده مع رموز العقار ( كبار العقاريين ) أنا أعرف عقاريين برزو في فتره بسيطه وأصبحو يتحدثون بالملايين وهم قبل هذا البروز وبالضبط قبل خمس سنوات أتو من قرى مجاوره للرياض خالين الجيوب |
أبوفهد
السلام عليكم أخوي مشكور على النصيحه القيمه والله لايهينك ... وفكرة الوساطه العقاريه هذي صراحه فكره حلوه وأن أحب هذي الحركات يعني قصدك أني مثلاً أعرض لتجار العقار وأدلهم على عقارات شيء حلو بس عااد وأنا أخوك كيف تكون البدايه أنا مأعرف ناس في مجال العقار كل الي أعرفهم أصحاب محلات صغيره في غير العقار... بس عاااد تدري أبوفهد بأذن الله أبي أخذ بنصيحتك وأتجه بهذي الوجه .. صراحه أبوفهد جبت شيء يناسبني أنا من الناس الي يحبون تكوين العلاقات...ومشكور يالغالي مره ثانيه على أعطائي هذي النصيحه الأخويه... وأذا أنت من اصحاب العقارات وتبي أسوي لك خدمه في أي مجال أنا حاظر ... انا في منطقه زراعيه أسكن ...يعني بالعربي في قريه من قرى سدير وتكثر فيها المزارع عااد أذا تبي أبحثلك عن مزرعه او عن أي شيء في منطقة سدير ابشر.. أخوك الصغير ..فهد |
نحن مؤسسة مقاولات عامة تستطيع ان تستفيد من خلال البحث عن عملاء للمؤسسة
وتحصل على عمولة مجدية وقد نحتاجك في امور اخرى تفيدك فمجالنا رحب ولايفهمه الا اصحابه وسنساعدك بامور دعائية وغيرها واتمنى لك التوفيق وعلى فكرة عملك هذا يتوافق مع فكرة حبيبنا ابوفهد |
موفق ان شاء الله لكن لا تيأس وخلك دايم طموح
|
انت فعلا شاب طموح وان اردة فرص عقارية فنحن على استعداد للتعاون معكم ومساندتكم ومن يرغب من الأخوان 00 تحياتي للجميع 00
فقط اتصل على الهاتف (( 102272592 )) ابو محمد من الساعة الرابعة والنصف عصرا |
| الساعة الآن 03:27 PM. حسب توقيت مدينه الرياض |
Powered by vBulletin® Version 3.8.3
Copyright ©2000 - 2024, Jelsoft Enterprises Ltd.