اول الشركات الواصله على النسبه نزولاً هي معدنيه
 

الله يستر هل يكون هذا اليوم الاثنين هو يوم النزول العالمي على النسبه %

السوق توه فاتح الساعه 10.25 دقيقه صباحا

لاحول ولاقوة الا بالله العلي العظيم
 

الله يستر يابوعبدالله الله يستر على المسلمين في كل مكان
اخووووووكم ومحبكم
حنووووووون

تتوقع يابوعبدالله السوق سوف ينزل اكثر
 

ويتمادى في النزول او انه سوف يرتفع والعلم عند الله وحده
وفيه شغله معينه لو فيه تصريح ايجابي سوف يرتفع السوق بالمساء والتصريح يكون من دولتنا الغاليه علينا جميعا طبعاً
اخوووكم ومحبكم
حنووووووون

اخي حنون
 

السوق كل المعطيات ضده

وش يرفعه


ازمه دوليه بسبب العراق وضع متوتر في المنطقه

واخيراً هذا التقرير اللي ذكره ابو فهد الصباح عن نمو ديون الدوله

يعني قلي حافز واحد بس يخلي السوق يرتفع

غير المظاربات يعني اذا فيه مظاربات ممكن شوف حق نما مستميت يدافع عن سهمه

بس على ويش جالس يظف كل سهم ينعرض يعني بالاخير بيلقى نفسه كل الاسهم معها

ويقوم يسوي مثل راعي الصادرات على شان يقهر الناس قام وطار في السهم الى 99 ريال على شان اللي ما لحقه يقوم ينقهر وفي الحقيقه انه ما ظر غير نفسه و الان قدامه امرين يا ينزل بالسهم مثل ما طلع فيه من 44 ريال او انه يجلس يتفرج كل صباح ومساء على اسهمه وماغير يدور فيها على شان الناس ما تنسى هذا السهم مثل حال الاسهم المهجره وانت عارفها

ماشاء الله عليك ياغالي
 

تحليل حلو يابوعبدالله
بس حبيت اسال سؤال يتبادر الى بعض القراء ومايستطيعون يسالونه لعدم تسجيلهم مثلا او الحي وانا سالتك لأني اعرفك ثقه ماشاء الله عليك وعلى اساس يستفيد الجميع وهو على كيفه في القرار اللي يتخذه نحن دورنا هنا مناقشه وحوار صريح من القلب الى قلب والباقي بعلم الغيب مجرد معطيات نفسرها واسباب نقوله والله هو الوحيد الذي يعلم الغيب سبحانه
مره اخرى اشكر يابوعبدالله
اخووووكم ومحبكم
حنوووووون

شوف اخي حنون انا احب اظيف
 

مفروض الان في هذه الحاله

الواحد يجزء راس ماله ثلاثه اجزاء

يعني ثلاثه اثلاث

طبعا انا اتكلم عن اللي خارج السوق

يعني ينتظر بعد شوي لاني اعتقد ان يهوى السوق في العرص وطبعا هذا مجرد توقع فقط بنأن على المعطيات اللي عندنا

ويشتري بثلث ولكن هذا الثلث انا ما انصح فيه اليوم

واذا ارتفع السوق ان شاءا لله يبيع هذا الثلث ويكون استفاد من النزول

واذا ما ارتفع ونزل السوق اكثر من 10% من مشتراه للسهم يقوم ويعدل ب الثلث الثاني

وينتظر اذا ارتفع السوق يصبح كسب في الثلث الثاني يقوم ويبيعه ويخلي الثلث الاول معه

ولو حصل ان سهمهم نزل ايضاء 15% يقوم ويشتري بالثلث الاخير ويكون كذا متوسط سعره قريب من نقطه مشتراه يعني في حالة اول طلوع بيكون ان شاء الله استرجع كل خسائره

ولك هذا المثال
ول نظرب مثلا عل سهم الشعبيه الكبيره المواشي

حنا تفقنا انه يشتري غدا نشاء الله

نسبته اليوم 18 ريال نزول فهو اذا شراء ب 18 ريال مثلا كون اصلا ربح 3 ريال من اعلى ارتفاع حصل له هذا الاسبوع يعني انه كسب ما يعدل 15% نزول من دخلته الاولى في ثلثه الاول

ول مثلا لا سمح الله نزل ايضا 10% فهنا يكون السهم وصل الى 16.5 ريال يشتري بثلثه الثاني ويكون عدل السعر الاول تعديل ممتاز جدا

ولو فرضنا لا سمح الله نزل اكثر السوق ونزل السهم الى 15% زياده
يقوم ويشتري بالثلث الاخير ويكون حصل على هذا ب 14.25 ريال ولا تعجبون من هذا السعر لانه لو سمح الله حدث ظربه على العراق لا سمح الله فانه قد يصل الى هذا السعر والله اعلم

بكذا يصير متوسط سعره ب 16 ريال تقريبا وهذا السعر هو سعر ركدة السهم قبل انطلاقته الاخيره ويكون بكذا نسبة رجعته الى هذاالسعر سريعه ان شاءا لله ما زوال الظروف اللتى هوت في السوق لا سمح الله

طبعا هذا الكلام للي خارج السوق الان

طيب للي داخل السوق الان ومثلا شاري مرتفع هذا نقوله اذا كانت الخساره كبيره امسك على اسهمك ولتزم الصبر والله سبحانه وتعالى مع الصابرين وان شاء الله السوق بعد كل ازمه او كل حدث ينزل فيه السوق نزول اظطراري فانه يرجع السوق اقوى من السابق ولكن ما عليك الا الصبر فقط

واذا كان عندك سيوله لا تستعجل في التعديل لان الوقت ما زال باكراً انتظر حتى ينزل السوق الى اقل مستوى تتوقعه وهنا احب اذكرك بكلمه اذا حبيت تعدل بالغ في النزول مو اذا نزل نص ريال ولا ريال تقول ابي اعدل لالا ياغالي عدل عندما يكون النزول اكثر من 20% هنا تعدل ولو حصل 30% يكون افضل هنا تكون عدلت فعلا السعر
لانه لو نزل مثلا 10% قد يرجع الى سعرك اللذي اشتريت منه سريعا وتكون هنا رجعت راس مالك فانت لا تحتاج الى تعدليل بل لتعدليل يبدأ من 20% نزول واكثر

طبعا تلاحظون كلامي كله لاننا في ازمه وانا جالس اتوقع اسوء الاحوال لا سمح الله

اسف على الاطاله
وشكرا لكم على طولة بالكم معاي

ملحظه بسيطه
 

طبيعي ان يرفع الهوامير السوق قبل اغلاق الفترة الصباحيه


تعرفون ليه
على شان اللي يجي العصر واللي جالس يتابع السوق كل اليوم

اذا شافو السوق ارتفع قبل الاغلاق
يقلون خلاص العصر بيرتفع

ويقمون يدخلون طلباتهم وبعدها يقمون الهوامير بعمل الواجب مع هذه الطلبات

اخي ابوعبدالله حفظه الله
فكرتك رائعه في تقسيم المال الي ثلاث اثلاث
لكن اري اذا خسر ان لا يشتري بالثلث الثاني حتي يتأكد ان للسهم
عوده للارتفاع, لأنه في هذه الحاله ممكن للسهم ان يواصل الهبوط
ولا بأس ان يشتري بالثلث الثاني اذا ارتفع السهم, في هذا الحاله سوف
يرتفع معدل الشراء, بعدها يبيع الكميه كلها

هذا الوضع ينطبق علي المواشي هذه الايام

كلامكما درر ياحلوين
 

شكرا اخي ابوعبدالله وشكرا اخي متوازن الله يجزاكما خير ان شاء الله ننتظر ونشوف السوق المساء وان شاء الله خير والاسبوع هذا كله والله يعين الجميع ولا يخسر مسلم اللهم آمين
اخووووووووكم ومحبكم
حنوووووون