منتديات تداول

منتديات تداول (http://www.tdwl.net/vb/index.php)
-   اســــتراحـة الــــمســاهــمين (http://www.tdwl.net/vb/forumdisplay.php?f=16)
-   -   %رجال بحاجه الى درس في المرجله % (http://www.tdwl.net/vb/showthread.php?t=289786)

خطوات أنثى 09-04-2011 12:13 AM

%رجال بحاجه الى درس في المرجله %
 
[CENTER][SIZE="5"][U]واهني الصخره اللي مايحرقها سموم
الزمان اللي يهد العزم ما هدّها

الزمان اللي تحدا قويين العزوم
لين مشّاها على ود ماهو ودّها

[COLOR="DarkRed"]والمجامل بعض الأحيان ما يقضي لزوم
لابو النفس الضعيفه ولابو جدّها[/COLOR]

مير تجبرنا العوايد وتجبرنا السلوم
[COLOR="darkred"]نكتم الأسرار يالين تاصل حدّها [/COLOR]

الردي لا طاح جعله يطيح ولا يقوم
باح سدّه والنشاما ما باح سدّها

كل ماكبرت وضاقت على عيال الرخوم
نحتزم لأكبر مصيبه وناطا خدّها

[COLOR="darkred"]جعل قسمي عند ربي من خيار القسوم
واحدٍ يعطي العطايا ولا يرتدّها

ياعيال آدم وحوّا تراها ما تدوم
دورة الأيام لابدّها لابدّها[/COLOR]

ياوليد البط وشلون ماتقدر تعوم
وانت ابوك يعوم جزر البحور ومدّها

وانت ياحلمٍ حلمته مهو مثل الحلوم
ياضحيّة مزح الأحلام مدري جدّها

[COLOR="darkred"]ادري ان فالناس معطى وفالناس محروم
ايه يابيض النوايا ويامسودّها

وياضميري لا يهمك من الدنيا هموم
الصعيبه حلّها والبسيطه عدّها[/COLOR]

جات في سد الشوارب وفي سد الخشوم
كبّر الضيفه وعش الضيوف وغدّها

والمراجل ماتوفى بضافية الهدوم
كود بسيوفٍ يشوق النواظر حدّها

[COLOR="darkred"]والردي لو درّس المرجله في كل يوم
المراجل عند اهلها يذعذع ندّها[/COLOR]

يعتبر قسمه مثل قسم زاهية الرقوم
يوم تكحل رمشها والقرون تكدّها

ماكسبت الا رضا اهل النمايم والعلوم
يارسول الحكي هات العلوم وودّها

[COLOR="DarkRed"]الصفوف اثنين هذا دفاع وذا هجوم
وانت اظنك لانت معها ولا انت بضدّها[/COLOR]

شرهة الطيّب تعداك للغوج العزوم
وانت صلفات المشاريه ماانت بقدّها

وانت في سود الأظله تريّح ومخدوم
وان ذبحك الجوع كد التكاسي كدّها[/U][/SIZE][/CENTER]

خطوات أنثى 09-04-2011 12:39 AM

[CENTER][SIZE="5"]مـاعــاد فـيـنـي للـصـبـر ايّ مـثـقـال ".." والضيـق فـي صـدري كـوانـي بـنـاره

مـن الغشيـم اللـي غـداااا زول رجـال ".." سمّوه ( ساري ) لكن الحق ( ساره)

ياما جعلـت الطيـب مـن شانـه اظـلال".." ولاضــاع دربــه شافـنـي لــه مـنـاره

كنت اسنـده واخفـي عيوبـه اذا مـال ".." كــم ليـلـةٍ فـيـهـا جـبــرت انـكـسـاره

اسقيته امن الطيـب فنجـال... فنجـال".." لكـن خسـاره , ماسقيـتـه.. خـسـاره

[COLOR="DarkRed"]ويـنـه ودرب الطـيـب واكـبـار الافـعـال".." لا صـار مـالـه فــي السـمـوّ اقـتـداره [/COLOR]

ماعـنـده إلا سـالـفـة قـيــل أو قـــال ".." تـايــه وراهـــا يحسـبـنـهـا شــطــاره

[COLOR="darkred"]طبـعـه مـثـل طـبـع الغرانـيـق حـيّــال".." يـاخـذ امــور الـجـد.. ضـحـك وعَـيَـاره [/COLOR]
مـو ناقـص اخبالـه ولا نـاقـص اهـبـال".." تــاره يجيـنـي الـشــر ويـعــود تـــاره

صـدري شمالـي لكـن الضيـق قـتـال".." والشـر اشوفـه فـي يمينـه.. يسـاره

[COLOR="darkred"]المـرجـلـه مـاهــي غـنــاوي ومـــوّال".." الـمـرجـلـه دربٍ طــويـــلٍ مــســـاره

مثل التجاره , خص لو تشري إرجـال..".."..تَسْـنـدْك لامـــن زاد وقـتــك مـــراره [/COLOR]

بــس ان هـــذا غـيــر.. يـنـبـاع بـريــال".." ناقص.. وفرقـى شـروى هـذا تجـاره

لابــد مــن كـبـوه عـلـى كــل خـيّــال".." واللـي يـعـرف أَخـطـاه.. دلّ انتـصـاره

[COLOR="darkred"]مو عيب من يخطي على كل الاحوال".."الـعـيــب تـكـريــر الـخـطـايـا يــاجــاره

عـز الله انـه صِـدْق يــوم المـثـل قــال".." الطيـب فـي بعـض الخلايـق خسـاره
[/COLOR][/SIZE][/CENTER]

خطوات أنثى 09-04-2011 12:43 AM

[CENTER][SIZE="5"]ما كل ما يسمع من الناس ينقال
اشكل كلام الناس مثل الدعابه

اسمع ودع تسلم من القيل والقال
لوقلت كلمة طوروها حكايه

السر خله من وراء سبعة اقفال
[COLOR="DarkRed"]وراقب مفاتيح الضمير بعنايه[/COLOR]

لا تحسن الظنات في كل الاحوال
خلك حريص ولاتسوي كمايه

ماكنت افرق بين طيب وبطال
حتى جمعت من التجارب كفايه

ورتني الايام في كل رجال
علامة ما تكتشفها المرايه

ورتني الايام في الناس عقال
ماتنخدع بين الفتن والوشايه

ورتني الايام في الناس جهال
دار الزمان ولالهم به درايه

ولقيت في الدنيا تجاريب وامثال
ميزت فيها صاحبي من عدايه

لقيت بعض الناس صاحب ومحتال
يضحك معي ويسبني في قفايه

ولقيت بعض الناس للهرج نقال
تلقاه نقل الهرج عنده هوايه

بعض البشرشيطان في ثوب وعقال
وكل شيطان دواه القرايه

[COLOR="darkred"]هذا دواه البعد لو عشت رحال
حيث الردي فرقاه غاية منايه[/COLOR]

دار بها يمسي الفتى خالي البال
ودي بها لو كان ما القى عشايه

[COLOR="darkred"][CENTER][SIZE="5"]وان كان مال الوقت والوقت ميال
اصبر على جرحي وادور دوايه

واشيل همي في ضميري ولو طال
رجاي في اللي مايخيب رجايه

رب كريم يبدل الحال بالحال
ويطيب جرحي من خلاي بخلايه

وليا زبنت ازبن على طيب الفال
اللي يهلي يوم يسمع ندايه

ارفع مقام النفس عن كل الانذال
واشوف لي ناس على مستوايه[/SIZE][/CENTER][/COLOR][/SIZE][/CENTER]

خطوات أنثى 09-04-2011 01:07 AM

[CENTER][COLOR="DarkRed"][SIZE="5"][CENTER][U][I][B]× مايخلّي حالة الرجـّـال حاله .. غير بنت في مواقفها رجــوله×[/B][/I][/U][/CENTER][/SIZE][/COLOR][/CENTER]

فارسة الكلمه 09-04-2011 07:34 PM

[COLOR="Navy"][B][B][B]عزالله انك بنت رجال واخت رجال يحي اصلك والله ماعاد بها رجولة الا من رحم ربي
وانا بعد انطيك هذا القصيد مني طازج
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس [/B][/B][/B][/COLOR]

خطوات أنثى 10-04-2011 12:18 AM

اسعدني مرورك يالغاليه ..
 
[QUOTE=فارسة الكلمه;5302958][COLOR="Navy"][B][B][B]عزالله انك بنت رجال واخت رجال يحي اصلك والله ماعاد بها رجولة الا من رحم ربي
وانا بعد انطيك هذا القصيد مني طازج
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس [/B][/B][/B][/COLOR][/QUOTE]
[COLOR="DarkRed"]
[CENTER][SIZE="5"]ماعليك زود يالطيبه تحيي وتدومي .. هلا وسهلا نورتي صدقتي الا من رحم ربي

وصح لسانك لكن الرجال ماهم بس فعل الاااا قول وفعل وتراهم مخابر ماهم مناظر [/SIZE][/CENTER][/COLOR]

الهـــــارف 10-04-2011 01:11 AM

[QUOTE=خطوات أنثى;5303177][COLOR="DarkRed"]
[CENTER][SIZE="5"]ماعليك زود يالطيبه تحيي وتدومي .. هلا وسهلا نورتي صدقتي الا من رحم ربي

وصح لسانك لكن الرجال ماهم بس فعل الاااا قول وفعل وتراهم مخابر ماهم مناظر [/SIZE][/CENTER][/COLOR][/QUOTE]

:601: :601: :601: :601:

( ابوخالد ) 10-04-2011 02:09 AM

[B][SIZE=3][COLOR=darkslateblue]الله يعطيك العافية خطوات ..[/COLOR][/SIZE][/B]

[B][SIZE=3][COLOR=darkslateblue]ف[/COLOR][/SIZE][/B][B][SIZE=3][COLOR=darkslateblue]ي هذا الزمان صعب تحديد الرجل الحقيقي من غيره ولم يعد "للمرجلة "آي أساس قوي [/COLOR][/SIZE][/B]

[B][SIZE=3][COLOR=darkslateblue]ربما تمر شهور أو سنوات حتى تكتشف أن الذي أمامك رجل أو شبه رجل ..[/COLOR][/SIZE][/B]

[B][SIZE=3][COLOR=darkslateblue]في وقت مضى كان التفريق بينهم سهل .. فـ الوضـع "أول " كان يختلف .. كان هناك ..[/COLOR][/SIZE][/B]

[B][SIZE=3][COLOR=darkslateblue]( كرم .. حروب .. شهامة .. جوع .. خوف .. ) وهي أختبارات صعبة وحقيقية للرجل ..[/COLOR][/SIZE][/B]

[B][SIZE=3][COLOR=darkslateblue]أما في هذا الزمن .. صعب والله .. الوضع تبدل .. فـ المناصب لا تعرف المرجلة .. [/COLOR][/SIZE][/B]

[B][SIZE=3][COLOR=darkslateblue]والتجارة لا تعرف المرجلة .. والشهادة لا تعرف المرجلة .. يعني أختلطت المفاهيم ..[/COLOR][/SIZE][/B]

سحابه خير 11-04-2011 01:31 AM

[QUOTE=فارسة الكلمه;5302958][COLOR="Navy"][B][B][B]عزالله انك بنت رجال واخت رجال يحي اصلك والله ماعاد بها رجولة الا من رحم ربي
وانا بعد انطيك هذا القصيد مني طازج
قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس [/B][/B][/B][/COLOR][/QUOTE]

كتاب مطالعه مهوب بيت شعر :615:

نجدية 11-04-2011 01:48 AM

[QUOTE][COLOR="Navy"][B]قلبت الرجال كلهم على كف ومزاج ومجلاس++++لقيتهم هذور الكلام والرجال افعال ودروس تدرس [/B][/COLOR][/QUOTE]

[COLOR="DarkOrange"][B]اشرحو البيت السابق مع استخراج معاني المفردات ومايستفاد



سحابه وشلون ظهرتس عقب التسقيط جعل حمولتس الصرصخ اللي يمسط بهم

[/B][/COLOR]


الساعة الآن 08:06 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.