المؤشر يرتفع 44 نقطه صباح اليوم الاربعاء
 

أرتفع مؤشر سوق تداول الاسهم السعوديه صباح اليوم 44 نقطه عن أمس حيث كان اقفال المؤشر مساء أمس على 2739 نقطه
وبعد تداولات الصباح اليوم أنخفض 19 نقطه ليصل الى 2720 نقطه في الساعه 10:45 دقيقه
وبعدها أرتفع السوق وأقفل الساعه 12 ظهراً على 2783 نقطه أي بفارق 44 نقطه عن اقفال أمس

أنشاء الله يستمر هذا الارتفاع ويتحسن السوق


ابوفهد

اخوي ابو فهد من اشتر امس واليوم في الكهرباء واليوم في المواشي
وغيره كسبان كثير ولله الحمد ابو فهد بعض الاخوان اختلف معي ليش اني متفائل بارتفاع السوق وها هو السوق مرتفع مشاءالله .. ارجوك ارجع وشاهد
امس ما كتبت.. كان احد رواد المنتدي معي في حديث على الماسنجر والاحباط من ما يجده من كتابات كان راح يبيع في شركه بخساره ولكني نصحته بعدم البيع
لان النزول مفتعل وراح يرجع السوق بشكل سريع جدا الى الوضع الطبيعي
يوجد محفزات لرتفاع السوق اكثر من وجود العكس ارباح الشركات ممتازه
والبترول فوووق 20 وتوزيع البنوك على الابواب
...وفق الله الجميع

بسم الله الرحمن الرحيم
 

أخي سهران حفظه الله

أنا قريت ما سبق وكتبته وكنت مؤيد دون رد للموضوع لأنه من خلال نقاشي مع عدة اشخاص تبين لي أن الأشاعات حايسه خططهم في البيع والشراء ومتخوفين من هبوط السوق الى ما دون 2500 نقطه
انا صراحة كنت من المؤيدين بخصوص ان هذا الوقت وقت ترقب وشراء في أسهم العوائد مثل الاسمنتات والبنوك السوق اليوم ماشاء الله أرتفاع جيد اللي شرى بالاسعار اللي تحت حقق ارباح جيده

(الأشاعات):- هي واحد من المتسببات الكبيره في هبوط السوق (( قمت أمس بزياره لأحدى صالات التداول في أحد البنوك وبعد جلوسي مع الاخوان الموجودين في الصاله سمعتهم يتناقلون أخبار (( غبيه)) مع أحترامي لا تدخل مخ رجل فاهم في السوق وفي الاقتصاد كانو يتناقلون خبر أن الحكومه ستبيع 60 مليون سهم في سابك خلال 3 أشهر لسد الدين !!!
هل يعقل هذا
الحكومه اذا تبغى تبيع أسهمها لسد الدين راح تبيع بأفضل الاسعار يعني ما راح تضخ كميات بالشكل هذا لان ضخ الكميات هذي يزيد من هبوط السوق
(60 مليون)!!!! تخيلو حتى الاشاعه (كبيره)(كبيره)(كبيره) ومصدقينها


ما نقول الا الله يجيب الخير

تحياتي لك سهران وللجميع

ابوفهد

ابوفهد والسهران
 

سلام عليكم
انا اتوقع اليوم في المسا المؤشر يتعدى 2800
وممكن يقفل عند 2830 هذا مجرد احساس و توقع
ليش؟
لو شفتو الطلبات قبل لا يقفل السوق كان توقعتو نفس توقعي طلبات قويه
آخرها 10 الاف سهم مطلوبه في بنك الرياض

شوفو اليوم