ماهو افضل بنك للتعامل فى الاسهم

[سايق الخير]

السلام عليكم ورحمة الله وبركاته


اسعد الله صباحكم ومساءكم اخوانى

وجعل الله هاليوم يوم سعد لكم


سؤال يطرح نفسه وبقوة

افضل بنك فى مدينة جده للتعامل معه فى الاسهم

صرحه تعبت من بنكى الله يغربله

أفضل مالديهم القهوه التركيه والا غيره الله بالخير

سؤال للمختصين والخبراء فى شاشات الاسهم

ويسعدلى مساكم مره اخرى

[الشايب]

يا أخى الراجحى جيد
وتلقى صالته موجوده في موقع الراجحى

[بحر2003]

مساء الخير اخواني اعتقد ان معظم الخدمات في البنوك لدينا تعبانه وخاصه بنك الرياض ، ولا يلاقي العميل لديهم اي اهميه سوى بعض المجاملات اذا سوى لك خدمه مره كأنها مجامله المره الاخرى ينظر اليك وكانه يتفضل عليك .
مع احترامي للجميع هل هو غباء او للاستفاده ؟؟؟ الله اعلم لاني ارى لناس وناس
حتى التليفون اذا هاتف الموظف احد من الخارج ينقعك واقف امامه لتنفيذ امر ولا
يسأل فيك حتى ينهي المكالمه وتكون الطيور طارت بارزاقها !!!! في هذي اللحظه
يوصل الضغط عندك 1000 والي مافيه ضغط يجيبله الضغط .
وبعدين ياسايق الخير زين بنكك يعطونكم قهوه تركي حنا في بنك الرياض
قهوه الله لايوريك وشاي برابيس وانفس خايسه ..... الا تعال مالت وشو بنكك ههههه

[سايق الخير]

اشكرك اخوى الشايب على المشاركه

هههههههههههههههههههه

هلا اخوىالبحر بنكى هو بنك الرياض فرع التحليه

خدمه سيئه بس بصراحه عندهم قهوة زينه تركش كوفى

والباقى الله بالخير ياخذونك من 15 بالالف خدمه ويضيع مربحك

عليهم وللاسف ليت وجه مبتسم يقابلك الا على قولتك نفس شينه وخايسه

كنهم يتصدقون عليك مب انت الى منفعهم وتربحهم هالارباح الهائله

شف ارباح بنوك العالم وشف ارباح بنوكنا من النصب الى ينصبونه علينا

تصدق ولا يهونون الاخوان فتحت حساب فى بنك بريطانىفى لندن(بركليز بنك) ايام الدراسه

حساب جارى كل شهر الاقى كم جنيه زايده فى حسابى راجعت البنك قالولى هذا الفايده لفتحك الحساب عندنا...تخيل ...... يعطونك فلوس عشانك فتحت حساب عندهم...

عندنا ياخذون عليك ثمن بطاقه الصراف واذا جيت تسحب نقد من البنك يسحبون خمسه ريال لقاء العمليه واذا طلبتهم كشف حساب ياخذون مدرى كم

وشغله صايرين مثل المنشار نازل واكل طالع واكل ......

واذا اتصلت عليهم بالتلفون يقولونك ياخى محنا فاضيلك تعال للبنك

وشغله طويله عريضه ....

الله يعين عليهم ...............