آخر أخبار مساهمة سوق بني النجار

[أبو الجمايل]

أحد عنده خبر عن مساهمة سوق بني النجار؟

أشوفهم أرسلو رسايل للمساهمين يطمنونهم بعد الزوبعه اللي صارت قبل 4 شهور، لكن ماقالو هل بيستلمون المساهمين فلوسهم + الأرباح في الموعد؟

هنا السؤال، ماهويرسلون وريقه فيها كم مقال صحفي وكم صوره ويبون يسكّتون العالم وبس، كل هالمقالات معروفه ومقروءه في وقتها!!!

وبعدين من لاحظ الفرق في رسايلهم عن أول؟ أول كانو يرسلون رسايل ملكيّه والحين رسايل من أبو ريالين!!!

ماهي مشكله نوعيّة الرسايل، المشكله يجي الموعد ولا يستلمون المساهمين لا حقوقهم ولا حتى رسايل أبو ريالين

[سابق]

باقي على الموعد خمس شهور وتكمل سنتين تتوقع يصدقون اشك في ذالك!!!!!!!!!!!!!!!!!!!!!!!!

[أبو الجمايل]

ماظنّيت، لكن الله كريم!!

الله يرزق المساهمين، ولا يجعل أموالهم في يد من لا يخاف الله!!!

[أبو الجمايل]

أتمنى واحد من المطّلعين على المساهمه يعطينا آخر أخبار المشروع وش صار عليه؟؟

[سابق]

http://www.aqarholding.com/article_126.html

[أبو الجمايل]

منقول من موقع الساحات "ساحة الإداره والإقتصاد" 28/1/2005 21:33

الكاتب: سعودي حتى النخاع



عاجل!!!!!!!!!!الى مساهمي سوق بني النجار بخصوص عقار القابضة؟؟؟؟؟؟؟؟؟؟؟؟



السلام عليكم ورحمة الله وبركاتة: انا هنا بخصوص مساهمة سوق بني النجار بحيث اننى اكتتبت في المساهمة والحمد لله على قضاءه وقدرة. الان بقي على تصيفيه المساهمة اربعه شهور فهل تتوقعون يا مساهمي سوق بني النجار بان ترد لكم اموالكم في وقتها؟؟ من الان اقول لك لا ولا تحلم تحصل عليها لمدة سنتين لانني رحت لعقار السارقه في ذلك اليوم الذي تكلمت فيه جريدة الوطن عن مشكلة الشركة ذهبت في الصباح وقالو الامور تمام و الكلام الى في الجرايد نصب في نصب وخذ وعود انا طلعت من عندهم و ذهبت لهم مره اخري الساعه 5.30 العصر حيث انني صدمت بما سمعته الموظفون بالشركة يكلمون مشرفهم يقولون خلونا نسكر ونخلي دوامنا صباحي فقط لان اغلب المساهمين موظفين ولا يمديهم يستئذنون كل يوم ومن هذا الكلام. بعدها بعشر دقائق تجمعو المساهمين حول الثلاثون شخص وانا منهم فقال واحد منهم دعونا نكلم مدير المشروع وهو صالح البراك على ما اعتقد في الدور الثالث والله يوم طلعنا ورحنا مكتبه لم نجده بل وجدناه في المكتب المجاور وتكلم احد المساهمين وقال صالح البراك له: الكلام الى سمعتوه كله نصب في نصب ورد عليه وقال طيب ليش وقفتو البناء سكت المدير وبعد برهه قال انتم ليس لكم الحق في المطالبه في قروشكم بالمساهمه الا بعد انتهاء المده الزمنية في العقد الموقع بيننا وبينكم انا قلت للاخوان الى معي كلامه معقول وصحيح ومالنا حق ان نتكلم... طلعنا ونحن نجر الخيبه والحسرة..وبعدها بشهرين اتصلت عليهم وسئلت الى في التلفون وقال لي تبي الصراحه يمكن صرف الارباح معا راس المال يتاخر من اربعه شهور الى سنه. وانا اسف على الاطاله ولكن الحمد لله على قضاءه و قدره.

[camry]

الهم يا حي يا قيوم رد اموال المسلمين كامله غير منقوصه انك علي كل شي قدير

[fmm]

الله لايخسر مسلم