بن براهيم
14-12-2004, 08:17 PM
بسم الله الرحمن الرحيم
أبي رأيكم يا أهل الرأي والمشورة، حتى اللي ما يعرف بدقة، أبي رأيه.
من كم يوم جانا بالشغل واحد من مندوبي الدريبي معه ذالبروشورات اللي تتلامع، وقعد يخربط علينا عن ذالبندقيه وفيها وفيها وفيها وما يخطيها.
الصراحه اعجبني الموضوع كثير، وانا عندي على جنب حق سهم او اثنين، ويمكن اذا عصرت نفسي وشديت المئزر يصير ثلاثه.
قلت اشوف وش رأي الشباب والشبابات هنا.
بس الصراحه ان جميع ما كتب عنها مهوب مساعدني على القرار.
الرجل قعد يقول ويسولف ويشرح. والدعايات كل يوم في جميع الجرايد بالصفحات الكاملة (ملون)، وصقع دراهم، هذا طبعا قبل نتكلم عن اعلانات الشوارع والمرئي والمسموع.
اللي أعرفة من البعض ان الشركة كويسة والرجل نفسه ممتاز، بس يا خوفي يصير الموضوع تغير، والا انهم توهقو بعد ما خشو بالموضوع.
بعدين ترا الدعوا مهيب سهله، ترا دريهماتي بيضيعن بين المليارين حقن المساهم، وان صار ماش والا خرفاش رحت انا فيها.
الموضوع فيه سر،، إما انا موسوس وما افهم والا ان المخاطر أعلى بكثير من ما تبدو، وهم عارفين هالشيء وقاعدين يغطون عليه بالجهود التسويقية الغير مسبوقة.
انا بحثت وكلمت وسألت بس كل من سألته قال ما ادري والا صار معه نفس اللي صار معي.
الاستقبال عندهم (لا الرجيجيل ولا الحريم) يقولون، نصيحه أخوية ولاهوب عشان نشتغل عند الدريبي ان المشروع ممتاز.
بصراحة .. كل ذالمدح والدعاية سوت في مخي علامات استفهام كبيرة مره مره مره.
أرجو الإدلاء بالآراء والمعلومات والشواهد لمن استطاع.
وانا ترا مانيب قاعد احرض والا ادعو.. انا رجال ابي معلومات وارشادات عشان اعرف اتخذ قرار ما اتحسر عليه باتسر.
وانتم خابرين .. الأسهم معاد تنطب ذاليومين، اركد شوي عنها لين ترسي.
ولكم مني جزيل الشكر ووافر التحية. وجزاكم الله خير سواء على المشاركة أو الحضور.
أبي رأيكم يا أهل الرأي والمشورة، حتى اللي ما يعرف بدقة، أبي رأيه.
من كم يوم جانا بالشغل واحد من مندوبي الدريبي معه ذالبروشورات اللي تتلامع، وقعد يخربط علينا عن ذالبندقيه وفيها وفيها وفيها وما يخطيها.
الصراحه اعجبني الموضوع كثير، وانا عندي على جنب حق سهم او اثنين، ويمكن اذا عصرت نفسي وشديت المئزر يصير ثلاثه.
قلت اشوف وش رأي الشباب والشبابات هنا.
بس الصراحه ان جميع ما كتب عنها مهوب مساعدني على القرار.
الرجل قعد يقول ويسولف ويشرح. والدعايات كل يوم في جميع الجرايد بالصفحات الكاملة (ملون)، وصقع دراهم، هذا طبعا قبل نتكلم عن اعلانات الشوارع والمرئي والمسموع.
اللي أعرفة من البعض ان الشركة كويسة والرجل نفسه ممتاز، بس يا خوفي يصير الموضوع تغير، والا انهم توهقو بعد ما خشو بالموضوع.
بعدين ترا الدعوا مهيب سهله، ترا دريهماتي بيضيعن بين المليارين حقن المساهم، وان صار ماش والا خرفاش رحت انا فيها.
الموضوع فيه سر،، إما انا موسوس وما افهم والا ان المخاطر أعلى بكثير من ما تبدو، وهم عارفين هالشيء وقاعدين يغطون عليه بالجهود التسويقية الغير مسبوقة.
انا بحثت وكلمت وسألت بس كل من سألته قال ما ادري والا صار معه نفس اللي صار معي.
الاستقبال عندهم (لا الرجيجيل ولا الحريم) يقولون، نصيحه أخوية ولاهوب عشان نشتغل عند الدريبي ان المشروع ممتاز.
بصراحة .. كل ذالمدح والدعاية سوت في مخي علامات استفهام كبيرة مره مره مره.
أرجو الإدلاء بالآراء والمعلومات والشواهد لمن استطاع.
وانا ترا مانيب قاعد احرض والا ادعو.. انا رجال ابي معلومات وارشادات عشان اعرف اتخذ قرار ما اتحسر عليه باتسر.
وانتم خابرين .. الأسهم معاد تنطب ذاليومين، اركد شوي عنها لين ترسي.
ولكم مني جزيل الشكر ووافر التحية. وجزاكم الله خير سواء على المشاركة أو الحضور.