مخطط القصر بالرياض ..والمزاد الكبير

[فتي البورصه]

السلام عليكم
مخطط القصر وسط الرياض ..اعلن عن مزاده يوم 9/11 الثلاثاء
كم تتوقعون ان تكون اسعار القطع التجاريه
وهل تنصحون بالشراء فيه

[المهاجر]

المخطط تم تطويره بشكل جيد

السكني متوقع له يكون بين 550 و600 ريال وصراحه هذا السعر عالي على نفس المنطقه
التجاري على شارع السويدي متوقع له ما بين 1700 إلى 1900 ريال

طبعاً هذي توقعات أحد عقاريين سلطانه المجاوره للمخطط

[عين العقل]

المهاجر ماتتوقع مشكلة الصرف الصحي والروايح تأثر على المخطط ؟
الحقيقة ماعندي علم عن جنوب الرياض بس يمكن هالمشكله تأثر في البيع ولا ؟؟

[المهاجر]

أخوي عين العقل

جهة المخطط من الشمال لا أعتقد لأني كنت هناك قبل أسبوع ودخلت في مخططهم من جهة الشمال على طريق السويدي وكان ما فيه روايح اما بالنسبه للجهه الجنوبيه الشرقيه القريبه من طريق الملك فهد والمقابله لقناة الصرف فما أدري ما مريت من هناك

[العميد ركن]

الســــلام عليكم ورحمة الله

المـــــــزاد سيكون قوي ،،، والاسعار بتخالف التوقعات

* لكن اتوقع ان السكني ( دورين ) من 600 - 650 ريال/م

* السكني (4 ادوار) من 1500 - 1700 ريال/م

* السكني (5 ادوار) من 2000 - 2400 ريال/م

* اما بالنسبة لقطعة الارض التجارية التي على شارع السويدي مباشره مساحتها 62.000 م

اتوقع بيكون سعر المتر من 3000-3400 ريال



والله يوفق الجميع

[العميد ركن]

المهاجر ماتتوقع مشكلة الصرف الصحي والروايح تأثر على المخطط ؟
الحقيقة ماعندي علم عن جنوب الرياض بس يمكن هالمشكله تأثر في البيع ولا ؟؟حياك الله عزيزي عين العقل منور الموضوع :)

اظن انها لن تأثر عليه

المخطط كامل الخدمات مياه - كهرباء- هاتف - صرف صحي - تصريف سيول (قناة عرضها 8 م وطولها 1000 م ) ارصفة - ممرات مشاة - اعمدة انارة جميلة .....

فالوادي الهيئة العليا لتطوير مدينة الرياض بمشروعها التطويري لمجرى وادي حنيفه
شادين حيلهم ( بحيث تكون المياه نقيه تصلح للري والغسيل وغير صالحة للشرب )

وسمعت انه راح تكون بحيرة صغيره بجوار المخطط ونوافير .....

اضافة الا انها فازت بجائزة عالمية في واشنطن من بين 40 مشروع قدمته 21 دولة (تقريباً)
* المصدر مجلة التنمية العقارية


والله يوفق الجميع

[عين العقل]

مشكورين على المعلومات

الحقيقه دار الاركان يعجبوني في الاراضي بس الفلل ابعد عنهم
كنها تعليقة التعمير :)

[سهم كوول]

مشكورين على المعلومات

الحقيقه دار الاركان يعجبوني في الاراضي بس الفلل ابعد عنهم
كنها تعليقة التعمير :)

ممكن أعرف ليش يا عين العقل؟

[المهاجر]

السكني 650 سعر مبالغ فيه جداً

أذا انت بتشتري أرض بسعر 650 والسعر هذا موجود في أفضل مواقع شمال الرياض
بتختار الشمال ولا الجنوب

الآن شمال الرياض الأسعار ما بين 600 إلى 700 في الملقا والياسمين وبعض اجزاء الصحافه
وهذي أفضل من جنوب الرياض بألف مره للسكن والإستثمار

[عين العقل]

ممكن أعرف ليش يا عين العقل؟
أقصد المده

وخير مثال مشروع المونسيه

[العميد ركن]

اخوي عين العقل ،،،، حياك الله :)

مشروووع المونسية ،،، صراحه ابدعت فيه الشركة

تصاميم ومساحات حلوة ..

ومدتها مااظن تتأخر عن 18 شهر

لان عقدهم 18 شهر وتسلم الفيلا ( اذا كانت تحت الانشاء ) واذا تجازوت المدة

غرامة مالية على الشركة .....

[سهم كوول]

الأخ عميد ركن أحس أنك شغال في شركة دار الأركان :509:

يعطيك ألف عافية :)

[العميد ركن]

حياك الله اخوي سهم كوول:)

شلون عسكـــري وشغال في الاركان :509:

انا ياطويل العمر مساهم في الاركان لي قرابة 3 سنوات:616:

لاحظت شلون اميل لهم :rolleyes:

[sweetman]

سعادة العميد انا مساهم في نفس المخطط
متى تعتقد ينتهون من البيع
وكيف الاقبال
ومتى توزع ارباحنا ترى طولت المسأل

[العميد ركن]

sweetmanعزيزي الحفـــــــــــل يوم الاحد

والمزاد يوم الثلاثاء والاربعاء

التصفيه بعد اسبوعين تقريباً

لكن اتصل عليهم وتأكد .... لاني ماصرت اتابع معهم بعد ماحولتها

الا اسهم في الشركة .......

واتوقع الاقبال يكون كبير.....


وفق الله الجميع

[الكابتن تركي]

تسلم يالعميد دايم لك حضور ومعلوماتك ما شاء الله دقيقة الله يعطيك العافية
ليش ما تتقاعد يالعميد؟

[sweetman]

انباع المخطط بالكامل يوم الثلاثاء خلال ثلاث ساعات بمبلغ 600 مليون بس السؤال كم سيوزعون الي عنده معلومه لايبخل علينا ؟

[المهاجر]

التجاري ما تعدى 1500 ريال

[العميد ركن]

الســــــــلام عليكم ورحمه الله

sweetman

اتوقع انه سيوزع ارباح من 60 % الى 65 % والارجح 65 %

اخوي المهاجر

تجاوز التجاري الـ 2500 ريال !! ( 4 ادوار )

والسكني كنت متوقع 550 - 600 ريال ولكن كان بـ 640 - 680 ريال !!

الله يوفق الجميع

[سهم كول]

ارباح المساهمه حسب افاده احد الموظفين لا تقل عن 60% وصراحه حضرت انا المزاد وكان روعه في التنظيم وكرم الضيافه والمخطط كوني احد سكان السويدي ومهندس مختص بالتخطيط يعتبر علامه فارقه في التخطيط العمراني من حيث المفاهيم المطبقه في الكثافات السكنيه وكذلك الدقه في اختيار الاعمده الاناره ورصف الشوارع والاختيارات المتعدده في استعمالات الاراضي من سكني اللى مختلط الي تجاري والله يوفق الجميع

[sweetman]

بارك الله فيك وكثر من امثالك سعادة العميد الركن

انا مريت عليهم للسؤال قالو توزيع الأرباح نهاية شهر ذي الحجه.

[fmm]

بارك الله فيك