تكفون يا نشما تداول : أخوكم يبغا فزعتكم

[المضارب الصغير]

القصه وما فيها : أنه عرضت على قريب لي عدد من أسهم الراجحي عند شخص من التأسيس أو اكتتاب ( مدري كم كان التأسيس ) وعرضت بمبلغ مغري- للمشتري - نوعاً ما , فاتصل علىّ قريبي وقال : وقال تبغا الأسهم يا يا أبو فلان , قلت نعم , قال أجل خذ رقم جوال الرجال وتفاهم أنت وإياه وأتموا البيعه ( وأنا - محاكيكم- - اللى يدفع قيمة الأسهم ) وإن بغيت تعطينا شئ والا الله يبيحك , فقريبي يقول أنا ما ني فاضي لرح وتعال وانقل لا تنقل وأني أبغالك الخير يا أبو فلان .
وكلمت الرجال مالك الأسهم وقال لي شف الطريقه اللى تنقل فيه الأسهم وأنا حاضر

واللى أبغا الفزعه فيه :

* أولاً / ظميري يؤنبني وأرغب بارشاد هذا الشخص الى أنه بإمكانه أن يذهب الى البنك وبييعها بسعر أعلى من الذى عرضه على قريبي ولكنه عندما كلمت بالجوال : أول كلمه قال لى ( لو يعطونى 0000 ريال - وذكر مبلغ ضعف ما تم الاتفاق عليه للأتممت البيعه , فالرجال - يقول - عند كلمته )
وصراحه أن ما أدري هل قريبي وضح له أن سهم الراجحي اليوم الاربعاء 12 / 10 / 1425 هـ وصل 1890 والا لا !!! فهل أوضح له أن زياده والا اسكت علماً بأنه السهم طالع عليه بسعر الاكتتاب مدري تأسيس
ثانياً / حسب معلوماتي أنه لايمكن بتاتاً تداول الأسهم خارج نظام تداول .
لذلك أبغا طريقه يتم بها نقل الأسهم من محفظته الى محفظتى - إن أمكن -

[عبدالله البراك]

اذا هو مايدري عن السعر اتوقع هذا ظلم واذا كان هو قال انه عند كلمة وانه باعك لا تخليك يسبقك بطيب صدقني ربي يرزق على النيه الطيبه بعض الناس يكون جاهل والمفروض علينا كامسلمين ان لا نخدع بعض ( انصحك بتوضيح له ) واذا اصر عليك انك تاخذها تكون انت صفيت نيتك مع اخوك المسلم

اما عن نقل الاسهم تستطيع تروح انت وهو الي البنك ويتم نقلهم الي محفظتك عن طريق تعبيت فورم

[امير النهار]

لا تخليه يسبقك بطيب صدقني ربي يرزق على النيه الطيبه

اخي الكريم

المضارب ..

آحيي فيك هذا الضمير الحي , وآستشارة آخوانك في هذا الموضوع الذي يجده البعض فرصة يجب ان تستغل !

اخي الغالي

عنب ..

اخلاق فارس .. لك كل ودي واحترامي ,,

دمتم بود ..

[فلاح العنزي]

اخي المضارب الصغير اوضح الامر للرجال لانه في حالتك تلك والله اعلم انه غرر ولايجوز البيع الغررمن الناحية الشرعية فالنصيحة ان تبين لاخيك المسلم الامر وابشرك اخي المضارب الكبير ( بضميرك الحي ) ان الحبيب المصطفى علية الصلاة والسلام قال: من ترك شيئا لله اعاضه الله خيرا منه

[TheDream]

بسم الله الرحمن الرحيم

والله ماني فاهم شي

هل هو شرا والا باقي ؟؟
او عرضت عليه باعلى من سعر اكتتاب السهم ؟؟؟
او ما يبي يشتري ؟؟
انت بتدفع الدراهم هم يقول ماني فاضي ليه ؟؟؟
مايبي الشغله وانت مجبره عليها ؟؟؟
وش السالفه ماني فاهم شي ؟؟

[TheDream]

بعد اللي فهمته

وصدقني جلست فتره لين فهمت كلامك ... يمكني فهمي قليل

اذا فيه استأمان فوالله ما يحقلك تقول غير اللي استؤمنت عليه
اما اذا كان فيه شي فيه اتفاق فما فيه اي مشكله ..

لاكن اذا اسؤمنتم فلا تخونون باي اسم او شكل كانت ..

[زناد الفكر]

راعي الاسهم وينهو عايش .؟...في الربع الخالي ..؟؟؟ ولا في جبال قندهار ...؟؟؟؟ههههههه


اليوم حتى الخدامات يعرفون اسعار الاسهم ... a4 هههههههههه

انا عندي خدامه تصيح علي عصر اليوم بابا بابا سهرباء فيه يرتفع ..

قلت لعيون ظبيه (اسم الخدامه المستحدث) اقشع 33 سهم في الكهرباء 151..ويوم وصلت 154 وانا ارشهم ..وهو يركد السهم ...ويقفل ..!!!!

ماعليش .....خوي طلعنا من الموضوع بس حبيت ..اوسع صدوركم ...واستسمحك واستبيحك ...واحيي فيك ضميرك ..

.. :deak: :deak: :deak:




-----------

[المهندس بدر]

باختصار يالغالي لازم تخبره وانا عندي ثقه انه راح يتمم بيعته ولكن كن صادقا بارك الله فيك

[شقران 55]

هذا البيع فيه غبن للبائع

[المضارب الصغير]

بسم الله الرحمن الرحيم

والله ماني فاهم شي

هل هو شرا والا باقي ؟؟
او عرضت عليه باعلى من سعر اكتتاب السهم ؟؟؟
او ما يبي يشتري ؟؟
انت بتدفع الدراهم هم يقول ماني فاضي ليه ؟؟؟
مايبي الشغله وانت مجبره عليها ؟؟؟
وش السالفه ماني فاهم شي ؟؟

وش دعوى حبيبي : أظن السالفه واضحه ؟ بس أنت وش متعشي !! ههههه
والا اللى آخذ عقلك يتهنى فيه ......
السالفه قريبي مقتدر مادياً ,, وما يحب الروتين ,, ومشغول طوال وقته تقريباً ,,
وأسمح لى أجيب عن بعض إستفساراتك :
هل هو شرا والا باقي ؟؟ اتفقوا فقط
او عرضت عليه باعلى من سعر اكتتاب السهم ؟؟؟ عرضت على قريبي بلا شك بسعر أعلى
او ما يبي يشتري ؟؟ الرجال يبغى لي الخير
انت بتدفع الدراهم هم يقول ماني فاضي ليه ؟؟؟ ماهو فاضى يروح ويجي وانقل ولا تنقل وخاصة أن محفظتة البائع عند الراجحي وتدري الراجحي وأنواع التعقيد .... علشان كذا كأنه سيتنازل لى عن البيعة لأدفع أنا القيمة وأستفيد أنا
مايبي الشغله وانت مجبره عليها ؟؟؟ قريبي ما قال إنه ما يبغى , فلو رفضت أنا لأتم هو البيعة مع البائع ولأنتهوا .