هذي قصيدة قالتها واحدة لزوجها قبل وفاتها بساعات، غفر الله لها ولأموات المسلمين

[م ح م د]

هذي قصيدة قالتها واحده لزوجها قبل وفاتها بساعات، غفر الله لها ولأموات المسلمين



ترى الذبايح و أهلها ما تسلينــــــــــــــــي .... أنا أدري إن المرض لا يمكن علاجه

أدري تبي راحتي لايا بعد عينـــــــــــــي .... حرام ما قصرت يديك في حاجـــــــه

أخذ وصاتي وأمانه لا تبكينـــــــــــــــــــي .... لو كان لك خاطرٍ ما ودي إزعاجـــــه

أبيك في يديك تشهدني وتسقينـــــــــي .... أمانتك لا يجي جسمي بثلاجـــــــــــه

لف الكفن في يديك وضف رجلينــــي .... ما غيرك أحدٍ كشف حسناه واحراجه

منقول

أبيك بالخير تذكرني وتطرينــــــــــــــــي ..... يجيرني خالقي من نار وهاجــــــــــه

سامح على اللي جرى ما بينك وبيني ..... أيام نمشي عدل وأيام منعاجـــــــه

همي عيالي وأنا اللي فيْ ..كافينـــــي ..... علمهم الدين تفسيره ومنهاجـــــــــــه

طبعا هذه القصيدة للشاعرة عابرة سبيل رحمها الله

وهذا هو رد زوجها :

حاولت أنام وحاربت عيني النوم ...... وجريت صوت مثل صوت الذيابه

الجفن كنه صار ضايق ومهزوم ......ودموع عيني مثل رس السحابه

على وليف قالوا اليوم مرحوم ....... فارق وراح وماتهنى في شبابه

زرت القبور اللي على بعضها ارسوم .....وخطيت رسم فوق ذيك النصابه

قلبي من الدنيا عليه مرسوم ........ والرسم توه عقب خــط الكـتابه

أحبها مير القدر صار مقسوم ..... ويحبـــها كل الاهـــــــل والقــرابه

الموت اخذها واودع القلب مثلوم ..... جرح عميق وما يداوي صوابه

الموت اخذ شجعان وارخوم وقروم ..... واخذ رسول الله وباقي الصحابة

منقول