سامبا ..اللي عنده خلفيه عن البنك وكيفية فتح الحساب فيه

[غشيم الأسهم]

السلام عليكم ..

يقولون التداول عن طريق بنك سامبا ..
سامبا أحسن الطرق للتداول عن طريق الانترنت ..


انا صراحه اعرف سامبا إنه البنك السعودي الأمريكي فقط

اللي عنده خلفيه عن البنك وكيفية فتح الحساب فيه وماهي الشروط وكيفية التداول عن طريقه يزودنا بها جزاه الله خير


<<<< غشيم من جد ما اعرف شي أول مره اتعامل مع شي اسمه اسهم


تحياتي لكم

[المليونيره]

سهل جدا, تفتح محفظة تداول عن طريق النت كحد ادنى 50000 ريال
وتدخل على الموقع المخصص سامبا تداول وتحصل الاوامر الي تبغها , امر شراء او بيع , كشف حساب, ارباح وخسائر وخدمات اخرى .

[TheDream]

بسم الله الرحمن الرحيم

كلام اختي المليونيره صحيح بس حبيت اضيف كم شغله بحكم انك تقول مره مالك بالاسهم

اولا : تفتح حساب جاري لدى احدى فروع الامريكي بحد ادني زي ما قالت اختي ب 50.000 ريال سعودي .
ثانيا : تفتح حساب استثماري ويسمونها المحفظه لدى احد الفروع اذا انت من سكان الرياض انصحك باللي على طريق المطار القديم اللي قبل المستشفى الجامعي , بتحتري عقبها اربعه او خمسه ايام لين تتفعل محفظتك طبعا الايداع خله 50.500 والخمسميه الزياده عشان رسوم تداول المحفظه عن طريق النت .
ثالثا : بعد ما تتفعل محفظتك من مؤسسة النقد تحول الدراهم من الحساب الجاري الى الاستثماري الى هو المحفظه وتبدا باول شي بسم الله وعلى بركة الله ..
اتمنى تكون وضحتلك الصوره ... مع تحيات اخوك The dream

[ابوصالح2005]

نصيحة لله انتبه من السوق حاول ماتشتري الا عند نزول السوق المتوقع في فترة اكتتاب بنك البلاد

[غشيم الأسهم]

جزاكم الله خير ..

وبيض الله وجيهكم .. ورفع الله قدركم ..

["المساهم"]

أنا رحت لهم وطلبوا خطاب من العمل
قلت بس أنا ماني محول راتبي عليكم بس أبي رقم حساب ومحفظه
قالوا لابد من الخطاب 0

[المساهم علاوي]

ما نزيد على الإخوان إلا انه عند فتح الحساب جيب تعريف من جهة العمل بالراتب وباقي الأمور تساهيل

[faroq]

ترى ماتندم روووووووووووووووووووووووووح

بشرط :-

* تعريف من العمل بالراتب شرط أساسي .

*لا أزيد عن الأخوان ما ذكروه

ملاحظة :

يفضل لك أن تذهب بنفسك + الخمسون ألف ريال فقط لفتح الحساب ثم فتح حساب محفظة

على فكرة ترى تنفيذ الأوامر خلال عشر إلى خمسة عشر ثانية

وبالله التوفيق

[al7alem]

كل الكلام اللي كتبه الاخوان صحيح وميه ميه
واهم شرط انه لازم تجيب تعريف بالراتب موجه للسامبا
وهذا اللي عقدني كثير لما جيت افتح المحفظه عندهم
والحمدلله تسهلت الامور
واذا عدك اي سؤال عن طريقة التعامل مع سامبا تداول تعال مسنجر او راسلني على الخاص
وياهلا فيك
samm4ever*************

[السهم الاول]

فيه عيب واحد جنن العالم ووراهم الصمرقع التحويل من الاستثماري للجاري؟؟!!
لازم تصف طابور ولا تضرب سفر مثلي كل مااحتجت فلوس لا وعذرهم حرصا على العميل والله انه كذب في كذب قبل امس صديق لي محول من حسابه الجاري لحساب واحد ثاني 30000 الف ريال على 3 دفعات وبالتلفووووون تصوروا ؟؟
لا ولا هو لحساب في سامبا لا لحساب ثاني في الاهلي ؟؟!!
ويقولون حرصا على العميل !!

[غشيم الأسهم]

ما قصرتوا .. رفع الله قدركم ..

بس خطاب من العمل هل هو من اللازم .. ؟؟

وغير كذا انا موظف لكن غير رسمي :( ...
هل يوافقون ولا لا ..

تحياتي لكم

[faroq]

ماعندك مشكلة المهم التعريف بالراتب بأي رقم

[غشيم الأسهم]

مشكوووووووووووووور الغالي

[samifly]

الامريكي جدا ممتاز

[UP*]

ليش لازم التعريف ؟؟؟